Elimizdiń Bala quqyqtary jónindegi ýákili Dınara Zákıeva áleýmettik jelidegi jeke paraqshasyna aralyq esep jarııalady, dep habarlaıdy “Adyrna”.
Dınara Zákıeva Facebook jelisindegi jeke paraqshasynda:
Qurmetti dostar, aǵymdaǵy aı boıy Premer-Mınıstrdiń orynbasary T.Q. Dúısenova jáne memlekettik organdardyń barlyǵymen Memleket basshysynyń balalyq shaq salasyndaǵy tapsyrmalaryn iske asyrý boıynsha jumys istep kelemiz.
Negizgi baǵyttar – profılaktıka júıesin jáne kómek quraldaryn qurýdy, sondaı-aq balalarǵa qatysty qylmystar boıynsha zańnamaǵa ózgerister engizýdi jáne balalar qaýipsizdigin qamtamasyz etý; erekshe qajettilikteri bar balalar men aýyldyq jerlerde turatyn balalarǵa arnalǵan ınfraqurylym qurý.
Sonymen qatar, bul jáne basqa da mindettermen óńirlerde jumys isteı bastadyq. Jalpy alǵanda, bir jarym aıdyń ishinde 4 aımaqqa baryp keldim. Endi kúzde ÚEU-men, óńirlerlik BQÝ-dermen úlken talqylaý ótkizýdi josparlap otyrmyz. Óńirlerge uzaǵyraq merzimge baryp, aýdan ortalyqtary men aýyldarda jumys isteımiz.
Túrli memlekettik organdarmen birlese otyryp, ata-analarmen kóteriletin máseleler men ótinishter boıynsha únemi kezdesýler ótkizip júrmiz. Sondaı-aq, bir jarym aıdyń ishinde 400 jeke ótinish boıynsha jumys júrgizildi – bul emdeý máseleleri, dári-dármekpen qamtamasyz etý, zorlyq-zombylyqqa qatysty, - dep aralyq esebin jarııalady.
Esterińizge sala keteıik, Almatydaǵy “Arman Dala” lagerinde bolǵan jaǵa ustatarlyq oqıǵadan keıin Zákıeva elimizdegi keı lager men mekemelerdiń sapasy syn kótermeı turǵanyn aıtqan edi.