Elımızdıŋ Bala qūqyqtary jönındegı uäkılı Dinara Zäkieva äleumettık jelıdegı jeke paraqşasyna aralyq esep jariialady, dep habarlaidy “Adyrna”.
Dinara Zäkieva Facebook jelısındegı jeke paraqşasynda:
Qūrmettı dostar, aǧymdaǧy ai boiy Premer-Ministrdıŋ orynbasary T.Q. Düisenova jäne memlekettık organdardyŋ barlyǧymen Memleket basşysynyŋ balalyq şaq salasyndaǧy tapsyrmalaryn ıske asyru boiynşa jūmys ıstep kelemız.
Negızgı baǧyttar – profilaktika jüiesın jäne kömek qūraldaryn qūrudy, sondai-aq balalarǧa qatysty qylmystar boiynşa zaŋnamaǧa özgerıster engızudı jäne balalar qauıpsızdıgın qamtamasyz etu; erekşe qajettılıkterı bar balalar men auyldyq jerlerde tūratyn balalarǧa arnalǧan infraqūrylym qūru.
Sonymen qatar, būl jäne basqa da mındettermen öŋırlerde jūmys ıstei bastadyq. Jalpy alǧanda, bır jarym aidyŋ ışınde 4 aimaqqa baryp keldım. Endı küzde ÜEŪ-men, öŋırlerlık BQU-dermen ülken talqylau ötkızudı josparlap otyrmyz. Öŋırlerge ūzaǧyraq merzımge baryp, audan ortalyqtary men auyldarda jūmys ısteimız.
Türlı memlekettık organdarmen bırlese otyryp, ata-analarmen köterıletın mäseleler men ötınışter boiynşa ünemı kezdesuler ötkızıp jürmız. Sondai-aq, bır jarym aidyŋ ışınde 400 jeke ötınış boiynşa jūmys jürgızıldı – būl emdeu mäselelerı, därı-därmekpen qamtamasyz etu, zorlyq-zombylyqqa qatysty, - dep aralyq esebın jariialady.
Esterıŋızge sala keteiık, Almatydaǧy “Arman Dala” lagerınde bolǧan jaǧa ūstatarlyq oqiǧadan keiın Zäkieva elımızdegı kei lager men mekemelerdıŋ sapasy syn kötermei tūrǧanyn aitqan edı.
Ūqsas jaŋalyqtar
