Qazaqstan Respublikasy Konstitusiiasynyŋ jobasynda otbasy men bala qūqyǧyn qorǧau normalary saqtalyp qana qoimai, aitarlyqtai küşeitılgen. Sonymen qatar neke institutyn nyǧaituǧa, ata-analardyŋ jauapkerşılıgın arttyruǧa jäne balanyŋ qūqyǧyn qamtamasyz etuge baǧyttalǧan jaŋa erejeler engızılıp otyr. Būl turaly Konstitusiialyq komissiianyŋ kezektı otyrysynda Qazaqstandaǧy Bala qūqyqtary jönındegı uäkıl Dinara Zakieva mälımdedı.
Konstitusiia jobasynyŋ 27-babynda qoldanystaǧy redaksiiadaǧydai, neke men otbasy, ana, äke jäne bala memlekettıŋ qorǧauynda ekenı, al balalarǧa qamqorlyq jasau men olardy tärbieleu ata-ananyŋ tabiǧi qūqyǧy ärı mındetı ekenı bekıtılgen.
«Būl normalar deklarativtı tūrǧyda emes, naqty qoldanbaly sipatqa ie. Olar memlekettık saiasattyŋ negızıne ainalyp, bala qūqyqtaryn qorǧau salasyndaǧy kündelıktı jūmysymyzǧa arqau bolyp otyr. Balalardy qorǧau mäselesınde şeşım qabyldaǧanda nemese ūstanymymyzdy qorǧaǧanda bız däl osy Konstitusiiadaǧy tübegeilı qaǧidattarǧa süienemız», – dedı Dinara Zakieva.
Komissiia müşesınıŋ aituynşa, konstitusiialyq normalar ömırde naqty körınıs tabuda. Tek ötken jyldyŋ özınde memleket tarapynan 51 myŋnan astam oqiǧa kezınde qauıp-qater der kezınde anyqtaldy. Aldyn alu şaralary jürgızılıp, balalardyŋ qūqyqtyq qorǧaluy qamtamasyz etılgen.
Balalardy qorǧau tek daǧdarys jaǧdailarynda äreket etumen şektelmeidı. Ol sondai-aq balalardy äleumettık qoldauǧa, densaulyq saqtau, bılım men tärbie beru ısıne, qauıpsızdıgıne jäne otbasynda ömır süru qūqyǧyna kepıldık berudı qamtidy. Būl üderıste balanyŋ äl-auqatynyŋ negızgı tıregı retınde otbasy men ata-ananyŋ jauapty qamqorlyǧyna erekşe män berıledı.
Dinara Zakieva komissiianyŋ aldyŋǧy otyrystarynyŋ bırınde Elnūr Beisenbaevtyŋ nekenı er men äieldıŋ erıktı ärı teŋ qūqyqty, zaŋǧa säikes memleket tırkeitın odaǧy retınde Konstitusiiada bekıtu jönındegı ūsynysyn eske saldy.
«Būl norma qazaqstandyq qoǧamnyŋ qūndylyqtaryna negızdelgen jäne tūraqty damuǧa müddelı kez kelgen memleket üşın obektivtı qajettılık. Nekenı mındettı türde memlekettık tırkeu turaly talap balalardyŋ qūqyqtaryn tiımdı qorǧauǧa mümkındık beredı. Men būl normany qoldaimyn», – dedı ol.
Sonymen qatar Konstitusiia jobasynda bılım beru jüiesınıŋ zaiyrly sipatyn bekıtetın jaŋa normaǧa da erekşe köŋıl bölıngen.
«Qazaqstan Respublikasynyŋ aumaǧyndaǧy bılım beru ūiymdarynda oqu men tärbie beru jüiesı, dıni bılım beru ūiymdaryn qospaǧanda, zaiyrly sipatta boluy tiıs. Būl balalardyŋ bılım aluǧa degen qūqyǧyn tolyq jüzege asyruyna jaǧdai jasaidy», – dep tüiındedı Bala qūqyqtary jönındegı uäkıl.
