2026 jylǧy 17 aqpanda Astana qalasyndaǧy Dostyq üiınde etnomädeni bırlestıkterdıŋ «Jaŋa Konstitusiia - ädılettı jäne progressivtı Qazaqstannyŋ berık negızı» taqyrybynda jalpy respublikalyq forumy öttı.
Forum jūmysyna Qazaqstan halqy Assambleiasy Töraǧasynyŋ orynbasary Marat Äzılhanov, Parlament deputattary, «Ädılettı jäne progressivtı Qazaqstannyŋ Halyqtyq Konstitusiiasy üşın!» jalpyūlttyq koalisiiasynyŋ müşelerı, respublikalyq jäne öŋırlık etnomädeni bırlestıkterdıŋ basşylary men aktivı, QHA qoǧamdyq qūrylymdarynyŋ, «Assambleia jastary», sarapşylyq qauymdastyq ökılderı qatysty.
Forum jūmysyna öŋırlık Dostyq üilerı onlain formatta qosyldy, būl oblystardyŋ keŋ qamtyluyn qamtamasyz ettı.
Talqylau barysynda Jaŋa Konstitusiia jobasynyŋ negızgı erejelerı jäne olardyŋ memlekettıŋ odan ärı damuy üşın maŋyzy atap ötıldı. Qoǧamdyq kelısımdı, bırlık pen yntymaqty nyǧaituǧa, sondai-aq eldıŋ ornyqty jäne jüielı damuynyŋ maŋyzdy faktory retınde etnosaralyq özara ıs-qimyldy damytuǧa erekşe nazar audaryldy.
2026 jylǧy 15 nauryzda ötetın aldaǧy respublikalyq referendumǧa airyqşa män berıldı. Jaŋa Konstitusiiany qabyldau boiynşa referendum Qazaqstannyŋ saiasi jüiesın jaŋǧyrtudyŋ jäne el damuynyŋ qūqyqtyq negızderın ūzaq merzımdı perspektivada nyǧaitudyŋ maŋyzdy kezeŋı bolatyny atap ötıldı.
Qūjattyŋ auqymdy qoǧamdyq talqylau nätijesınde äzırlengenı jäne jaŋartylǧan Negızgı zaŋdy qalyptastyruǧa azamattardyŋ jappai qatysqanyn aiqyn körsetetını atap ötıldı.
Is-şara qorytyndysy boiynşa forumǧa qatysuşylar Jaŋa Konstitusiia jobasyn jäne Memleket basşysy bastamaşy bolǧan reformalardy bırauyzdan qoldaityndaryn bıldırdı.
Qazaqstan halqy Assambleiasynyŋ aktivı qoǧammen aşyq dialogty qamtamasyz etuge jäne jūrtşylyqty keŋınen tartuǧa baǧyttalǧan auqymdy aqparattyq-tüsındıru jūmysyn jalǧastyruǧa daiyn ekenın rastady, sondai-aq otandastardy 2026 jylǧy 15 nauryzda ötetın respublikalyq referendumǧa belsendı qatysyp, azamattyq jauapkerşılık tanytuǧa şaqyrdy.
