2021 jylǧy 5 qaraşada Şymkent qalasynda «Äkeler Odaǧy» RQB qala äkımdıgımen bırlesıp Qazaqstan Respublikasy Prezidentınıŋ janyndaǧy Äielder ısterı jäne otbasylyq-demografiialyq saiasat jönındegı ūlttyq komissiianyŋ jäne BŪŪ-nyŋ Qazaqstandaǧy halyq qonystanuy salasyndaǧy qorynyŋ (IýNFPA) qoldauymen «Äkege qarap ūl öser» atty VI Respublikalyq Äkeler forumy ötkızıldı.
Memleket Basşysy Qasym-Jomart Toqaev otbasy institutyn nyǧaitu mäselesıne erekşe köŋıl bölude. Qazaqstan Respublikasynda memlekettık otbasylyq saiasat ūlttyq strategiialyq basymdyqtar men mındetterge säikes ıske asyrylyp otyr. Qazaqstan Respublikasynyŋ otbasylyq jäne genderlık saiasat tūjyrymdamasynda elımızde äke institutyn küşeitu közdelgen.
Äkeler forumynyŋ jūmysyna Parlament deputattary, Ūlttyq komissiia müşelerı, ortalyq memlekettık jäne jergılıktı atqaruşy organdardyŋ ökılderı, qoǧam qairatkerlerı, ÜEŪ, sondai – aq ata-analar qoǧamdastyǧynyŋ ökılderı - öŋırlerden kelgen delegattar qatysty.
Şymkent qalasynyŋ äkımı Mūrat Äitenov, QR Prezidentınıŋ janyndaǧy Äielder ısterı jäne otbasylyq-demografiialyq saiasat jönındegı Ūlttyq komissiia töraǧasynyŋ orynbasary, Parlament Senatynyŋ deputaty L.Süleimen, Aqparat jäne qoǧamdyq damu vise-ministrı A. Omarov, BŪŪ-nyŋ Qazaqstandaǧy halyq qonystanuy salasyndaǧy qorynyŋ (IýNFPA) atqaruşy ökılı R. Sisemaliev qūttyqtau söz söiledı.
Forum moderatory Parlament Mäjılısınıŋ deputaty, Prezident janyndaǧy Äielder ısterı jäne otbasylyq-demografiialyq saiasat jönındegı ūlttyq komissiianyŋ müşesı Baqytbek Smaǧūl ıs-şarany aşa otyryp, «bügın de äke tärbiesındegı äkenıŋ rölın arttyru, äke institutyn nyǧaitu problemasyna qoǧamnyŋ nazaryn audaru mäselelerı eŋ aldymen balalardyŋ boiynda patriottyq sezımdı, ruhani-adamgerşılık qūndylyqtardy qalyptastyru mäselelerımen özara bailanysty boluǧa tiıs. Küştı otbasynyŋ qalyptasuynda, balalardy tärbieleu men damytuda, erlerdıŋ mınez-qūlqyn qalyptastyruda äkeler ülken röl atqarady».
Forum qatysuşylaryna qoǧamdyq pıkırdı zertteu ortalyǧy jürgızgen «Erlerdıŋ rölı, olardyŋ Qazaqstandaǧy otbasylyq ömırge jäne balalardy tärbieleuge qatysu därejesı» atty ūlttyq äleumettık zertteudıŋ nätijelerı ūsynyldy. Zertteumen Qazaqstannyŋ barlyq 17 öŋırı qamtylǧan, onda otbasylyq erler men äielder, jalǧyz basty, öz betınşe bala tärbielep otyrǧan äkelermen, sondai-aq qoǧamdyq bırlestıkter men memlekettık organdar ökılderınıŋ sarapşylarymen sūhbat jürgızıldı.
«Otbasy jäne dın», «Otbasylyq tärbiede äkenıŋ rölın arttyru», «Qazaqstanda otbasy institutyn qalyptastyruǧa BAQ pen blogerlerdıŋ äserı», «Balalarǧa sporttyq tärbie beru», «Mektepterde äkeler keŋesın damytu», «Erekşe balalardyŋ erekşe äkelerı», «Balalardy tärbieleudegı kıtaptardyŋ rölı» taqyryptarynda belsendı pıkırtalastar öttı.
Forum spikerlerı – Qazaqstan Mūsylmandary Dıni Basqarmasynyŋ, Qazaqstan halqy Assambleiasynyŋ ökılderı, ortalyq jäne jergılıktı atqaruşy organdardyŋ, ÜEŪ, sport klubtarynyŋ, ǧylymi qoǧamdastyqtyŋ, halyqaralyq ūiymdardyŋ ökılderı, BAQ salasyndaǧy sarapşylar, otbasy men balalar problemalaryn jariia etetın blogerler, sondai-aq öŋırlerden kelgen delegattar osy proseste otbasy men mekteptıŋ bailanysyn nyǧaitu jäne ata-analar qoǧamdastyǧymen bırlesken jūmysty küşeitu qajettılıgı turaly pıkırdı bırauyzdan bıldırdı.
Forum öskeleŋ ūrpaqty tärbieleudıŋ özektı mäselelerın şeşu boiynşa ortalyq jäne jergılıktı atqaruşy organdarǧa arnalǧan naqty ūsynystardy atap ötumen aiaqtaldy.
Is-şara soŋynda öŋırlerden kelgen delegattarǧa jeke ülgı retınde jäne äke institutyn damytuǧa qosqan ülesı üşın ūlttyq komissiianyŋ atynan alǧys hattar tabys etıldı.
"Adyrna" ūlttyq portaly
