Respublikalyq "Taza Qazaqstan" aksiiasy Şymkent qalasynda qarqyndy jalǧasuda. Qaladaǧy barlyq audandar aiasynda tazalyq şaralary jan- jaqty jüzege asyryp jatyr.
Aitalyq, qaladaǧy Abai audanynda bırqatar ekologiialyq şaralar jüzege asyryldy. Osy audan pumaǧyndaǧy Temırlan tas jolynda ornalasqan skverde tazalyq jūmystary ūiymdastyryldy. Tazalyq ıs-şarasyna jalpy 100-den astam audan tūrǧyndary, käsıpkerler, ziialy qauym ökılderı, belsendı jastar, erıktıler qatysty. «Tazalyq - densaulyq kepılı» degen ūstanymmen ötken ıs-şarada aǧaş kesu, äkteu, şöp oru, suǧaru, qoqystardan tazartu jūmystary jürgızıldı.
«Memleket basşysy tapsyrmasymen «Taza Qazaqstan» ekologiialyq aksiiasy bastalǧannan berı audan tūrǧyndary kün saiyn özı tūratyn köşe boiyndaǧy aryqtardy, jol jiekterın qoqystan tazartyp, belsendı qatysuda», - deidı Qyzyljar şaǧynaudanynyŋ ardagerler keŋesınıŋ töraǧasy Bastarhan Baijanov.
Qala – ortaq üiımız. Sondyqtan, onyŋ körkeiıp, güldenuıne ärbır tūrǧyn bei-jai qaramai, qoqys-qaldyqtardy kez kelgen jerge laqtyrmai, taza ūstauǧa at salysuy qajet.
Abai audany kölemınde jürgızılıp jatqan tazalyq jūmystaryna barlyq mekeme qyzmetkerlerı bır kısıdei atsalysyp, ärbır ūjym bölıngen aumaqtarda, köşelerde tazalyq jūmystaryn qarqyndy jürgızude.
«Tabiǧatty taza ūstau, qorşaǧan ortanyŋ tazalyǧyna jauapkerşılıkpen qarau ol sızben bızdıŋ basty mındetımız. Osy rette, barşa tūrǧyndardan eŋbektı baǧalaudy, kölıkte, köşede jürgende bei-bereket qoqys tastamaudy sūraimyz», - dedı Şymkent qalasynyŋ äielder ısterı jönındegı gendırlık komissiianyŋ müşesı, qoǧam belsendısı Tadjibaeva Orynşa.
Abai audanynda ötken tazalyq ıs-şarasyna 250-den asa adam qatysty. Būl şara tūrǧyndardyŋ tabiǧatqa degen jaqsy qarym-qatynasyn qalyptastyruǧa jäne qalanyŋ sanitarlyq jaǧdaiyn jaqsartuǧa baǧyttaldy.
Al, Şymkent qalasynyŋ Äl-Farabi audanyna qarasty Ä.Jangeldin köşesı boiyndaǧy №28, 30, 32 köp qabatty tūrǧyn üi tūrǧyndary da Memleket basşysy Q.Toqaevtyŋ «Taza Qazaqstan» aksiiasy aiasynda ötkızılıp jatqan tazalyq jūmystaryna belsendılık tanytty.
Tūrǧyndar «Tazalyq – densaulyq kepılı» degen ūrandy ūstanyp, öz aulalaryndaǧy aǧaştardyŋ tüpterın äkteu, artyq ösken būtalardy qyrqu, şöpterdı oru, irrigasiialyq aryqtardy kül-qoqystan tazalau jäne oiyn alaŋşalary men oryndyqtardy syrlau jūmystaryn jürgızdı.
Tazalyq jūmystaryna tūrǧyndarmen bırge audannyŋ ardagerlerı, belsendı jastarmen qatar kommunaldyq qyzmetkerler barlyǧy 200-den astam adam atsalysty.
Is-şaraǧa qatysqan audandyq ardagerler keŋesınıŋ töraǧasy İsamudin Naştaiūly Prezidentımızdıŋ «Taza Qazaqstan» aksiiasynyŋ nauqandyq ıs-şara emestıgın, būǧan ärbır qala tūrǧyny bei-jai qaramai tazalyq mädenietınıŋ özımızden bastau qajet ekenın aitty. Sondai-aq tūrǧyndardy öz aulalaryn taza ūstauǧa, jastardyŋ tazalyq mädenietın saqtauǧa basa nazar audaru qajet ekenın jetkızdı.
