Prezident Qasym-Jomart Toqaev Qazaqstan Halyq Keŋesınıŋ sessiiasynda jaŋa qūrylǧan organnyŋ qyzmetıne qatysty pıkır bıldırıp, onyŋ Ūlttyq Qūryltaiǧa balama qūrylym emes ekenın mälımdedı.
Memleket basşysy Halyq Keŋesı men Qūryltaidyŋ ökılettıkterı zaŋmen naqty aiqyndalǧanyn atap öttı.
«Alaida myna närsenı bırden tüsınıp alǧan jön. Halyq Keŋesı – Qūryltaiǧa balama mekeme emes. Keŋes müşelerı Qūryltaidyŋ qūzyretıne kıretın jūmyspen ainalyspaidy. Deputattardyŋ qyzmetıne aralaspaidy. Zaŋ boiynşa osyndai äreketterge qūqy joq. Tiısınşe, Qūryltai deputattarynyŋ da Halyq Keŋesınıŋ jūmysyna aralasuǧa haqy joq»,–dedı ol.
Qasym-Jomart Toqaev ekı instituttyŋ bır-bırın tolyqtyryp, üilesımdı jūmys ısteuı maŋyzdy ekenın aitty. Osyǧan bailanysty Halyq Keŋesı men Qūryltai komitetterınıŋ özara tyǧyz bailanysta boluy qajet ekenın jetkızdı.
«Aldymyzda tūrǧan maqsat ta – bır, Otanymyz da – bır. Sondyqtan bärımız bırtūtas el bolyp bır jeŋnen qol, bır jaǧadan bas şyǧaryp Qazaqstan halqy üşın tabandy qyzmet etuımız kerek.
Zaŋ jobalaryn äzırleu barysynda jūrtşylyqtyŋ oi-pıkırın, talap-tılegın tolyqqandy eskeru qajet. Qūryltai men Halyq Keŋesı ärqaşanda bırge bolsa, osyndai mümkındık mındettı türde paida bolady. Qazaqstan Halyq Keŋesıne etnomädeni bırlestıkterdıŋ, aimaqtyq mäslihattar men qoǧamdyq keŋesterdıŋ, sondai-aq, qoǧamdyq ūiymdardyŋ ökılderı kırdı. Osylaişa memleket pen qoǧam arasyndaǧy bailanystyŋ jaŋa, auqymdy ärı bırtūtas jüiesı qalyptasyp otyr»,–dep tüiındedı ol.
