Foto: Kazinform
Premer-ministrdıŋ orynbasary – Mädeniet jäne aqparat ministrı Aida Balaeva bügın, 23 tamyzda Astanadaǧy Ūlttyq akademiialyq kıtaphanada ornalasqan №129 sailau uchaskesınde Qūryltai sailauynda dauys berdı, dep habarlaidy "Adyrna".
Aida Balaevanyŋ aituynşa, qazaqstandyqtar da sailauǧa belsendı qatysyp jatyr. Būl taŋerteŋnen berı jürgızılıp jatqan monitoring barysynda äleumettık jelılerden de baiqalady.
"Jalpy, aqparattyq keŋıstıkte joǧary belsendılıktı körıp otyrmyz. Astanada kün raiynyŋ jaŋbyrly bolǧanyna qaramastan, sailauşylar belsendılık tanytuda. Būl ärbır azamattyŋ özınıŋ jäne elımızdıŋ bolaşaǧyna ülken jauapkerşılıkpen qaraitynyn körsetedı. Jalpy, bız – baqytty halyqpyz, öitkenı öz bolaşaǧymyzdy aiqyndauǧa mümkındıgımız bar. Halyqtyq Konstitusiia üşın dauys bergen referendum kezınde de osyndai ahualdy kördık. Bız bolaşaqqa köz tıgemız, qūndylyqtarymyz ben basymdyqtarymyzdy bılemız", – dedı Aida Balaeva.
Onyŋ aituynşa, mūndai mümkındık qazaqstandyqtardyŋ bırlıgı men yntymaǧynyŋ arqasynda qalyptasty. Sondyqtan eldegı tūraqtylyqty baǧalap, ony saqtau asa maŋyzdy.
Sonymen qatar Aida Balaeva progressivtı ärı ädılettı Qazaqstan qūruǧa baǧyttalǧan Memleket basşysynyŋ bastamalaryn qoldap, eldıŋ ortaq maqsattary töŋıregınde bırıguge şaqyrdy.
