Ūlytau oblysynda respublikalyq referendum aiasynda 127 uchaskelık referendum komissiiasy öz jūmysyn bastady. Jalpy öŋırde referendumdy ötkızu üşın 6 aumaqtyq jäne 127 uchaskelık komissiia qyzmet atqaruda. Komissiialardyŋ qūramynda barlyǧy 845 adam bar, onyŋ ışınde 42-sı aumaqtyq, 803-ı uchaskelık komissiia müşelerı.
Ūlytau oblysy boiynşa dauys beru tızımıne 136 447 azamat engızılgen.
Referendum uchaskelerınde dauys beru saǧat 07:00-den 20:00-ge deiın jürgızıledı. Al Jäirem kentındegı 6 uchaskede tau-ken baiytu kombinaty qyzmetkerlerınıŋ auysymdyq jūmys kestesıne bailanysty dauys beru uaqyty 06:00-den 20:00-ge deiın belgılengen.
Sailauşylarǧa qolaily jaǧdai jasau maqsatynda oblys qalalaryndaǧy 57 uchaskede azamattardy sailauşylar tızımınen tekseruge arnalǧan onlain-servister, al 6 uchaskede azamattardy tırkeu servisterı ornatylǧan.
Sonymen qatar referendum kezınde mügedektıgı bar azamattardyŋ dauys beruıne barlyq qajettı jaǧdai jasalǧan. Barlyq uchaskeler pandustarmen jäne arnaiy tūtqalarmen jabdyqtalǧan. Kreslo-arba paidalanatyn azamattarǧa volonterlar kömegı körsetıledı, sondai-aq oblys boiynşa 7 invataksi qyzmetı jūmys ısteidı.
