Prezident Qasym-Jomart Toqaev 28 qazanda Qazaqstan halqyna Joldau jariialaidy. Būl turaly ol H äleumettık jelısındegı paraqşasynda jazdy, dep habarlaidy «Adyrna» tılşısı.
«28 qazanda tüske deiın jyldaǧy dästürge sai Qazaqstan halqyna Joldauymdy jariialaimyn. Qazır osy maŋyzdy qūjattyŋ mätınımen jūmys ıstep jatyrmyn»,– dedı memleket basşysy.
Aita keteiık, Qasym-Jomart Toqaev prezident bolyp sailanǧannan berı Qazaqstan halqyna segız ret jyl saiynǧy jäne kezekten tys Joldauyn jariialady. Mūndai ündeuler orta eseppen bır saǧatqa juyq uaqytqa sozylady.
Prezident soŋǧy ret 2025 jyldyŋ 8 qyrküiegınde «Jasandy intellekt däuırındegı Qazaqstan: özektı mäseleler jäne ony tübegeilı sifrlyq özgerıster arqyly şeşu» atty Joldau jariialaǧan edı.
Ūqsas jaŋalyqtar
