Қазақстан Президенті Қасым-Жомарт Тоқаев ресми сапармен Ватиканға барады. Бұл туралы Ақорда мәлімдеді, деп хабарлайды “Адырна” ұлттық порталы.
«Мемлекет басшысы Қасым-Жомарт Тоқаев ресми сапармен Италияға келді. Рим әуежайында Қазақстан Президентін Италияның Қорғаныс министрі Гидо Кросетто мен Рим Папасының өкілі Франческо Каналини қарсы алды. Пандуста Құрмет қарауылының ротасы сапқа тұрды», - делінген сәрсенбі күні хабарламада.
Бүгін, 18 қаңтарда Тоқаев Италия президенті Серджо Маттарелламен және премьер-министр Джорджия Мелонимен келіссөздер өткізеді.
Сол күні Мемлекет басшысы «Қазақстан – Италия» инвестициялық дөңгелек үстеліне қатысады және итальяндық ірі компаниялардың басшыларымен бірқатар кездесулер өткізеді.
«19 қаңтарда Қазақстан көшбасшысы Ватиканда Рим Папасы Францискпен кездесу өткізеді», - деп толықтырды Ақорда.
