پرەزيدەنت پاپامەن كەزدەسەدى

2094
Adyrna.kz Telegram
https://adyrna.kz/content/uploads/2024/01/adb0e49a-59c0-4c9f-bfb7-2d9b03daddff.jpeg

قازاقستان پرەزيدەنتى قاسىم-جومارت توقاەۆ رەسمي ساپارمەن ۆاتيكانعا بارادى. بۇل تۋرالى اقوردا مالىمدەدى، دەپ حابارلايدى “ادىرنا” ۇلتتىق پورتالى.

«مەملەكەت باسشىسى قاسىم-جومارت توقاەۆ رەسمي ساپارمەن يتالياعا كەلدى. ريم اۋەجايىندا قازاقستان پرەزيدەنتىن يتاليانىڭ قورعانىس ءمينيسترى گيدو كروسەتتو مەن ريم پاپاسىنىڭ وكىلى فرانچەسكو كاناليني قارسى الدى. پاندۋستا قۇرمەت قاراۋىلىنىڭ روتاسى ساپقا تۇردى»، - دەلىنگەن سارسەنبى كۇنى حابارلامادا.

بۇگىن، 18 قاڭتاردا توقاەۆ يتاليا پرەزيدەنتى سەردجو ماتتارەللامەن جانە پرەمەر-مينيستر دجوردجيا مەلونيمەن كەلىسسوزدەر وتكىزەدى.

سول كۇنى مەملەكەت باسشىسى «قازاقستان – يتاليا» ينۆەستيتسيالىق دوڭگەلەك ۇستەلىنە قاتىسادى جانە يتالياندىق ءىرى كومپانيالاردىڭ باسشىلارىمەن بىرقاتار كەزدەسۋلەر وتكىزەدى.

«19 قاڭتاردا قازاقستان كوشباسشىسى ۆاتيكاندا ريم پاپاسى فرانتسيسكپەن كەزدەسۋ وتكىزەدى»، - دەپ تولىقتىردى اقوردا.

پىكىرلەر