جەر سىلكىنىسىنەن ءبىر كۇننەن سوڭ. پرەزيدەنتتىڭ الماتىعا ساپارى باستالدى

مەملەكەت باسشىسى قاسىم-جومارت توقاەۆ جۇمىس ساپارىمەن الماتى قالاسىنا كەلدى، دەپ حابارلايدى "ادىرنا" ۇلتتىق پورتالى. "پرەزيدەنت ەرتەڭ بىرقاتار ينفراقۇرىلىمدىق جانە الەۋمەتتىك نىسانداردى ارالاپ، اكىمدىكتىڭ مەگاپوليستەگى جول-كولىك جۇيەسىن دامىتۋ جوسپارىمەن تانىسادى. سونداي-اق سەيسميكالىق قاۋىپسىزدىك ماسەلەلەرى جونىندە كەڭەس وتكىزۋ جوسپارلانىپ وتىر" دەلىنگەن اقوردانىڭ رەسمي حابارلاماسىندا. ەسكە سالا كەتەيىك، الماتى قالاسىندا 23 قاڭتاردا تۇنگى ساعات 00:09 ۋاقىتىندا ماگنيتۋداسى 6,2 باللدى قۇراعان جەر سىلكىنىسى بولدى. الدىن-الا ەسكەرتىلمەگەن، بولجاۋسىز بولعان تابيعي اپات الماتىلىقتاردى دۇربەلەڭگە سالدى. اتالمىش جايتتان سوڭ مەملەكەت باسشىسىنىڭ الماتىعا كەلەتىنى ايتىلعان بولاتىن.