Түркістан облысында белгілі арақ брендтерін қолдан жасаған үш ірі жасырын цех анықталды, деп хабарлайды "Адырна" ұлттық порталы аймақ прокуратурасына сілтеме жасап.
Қадағалау органы мәліметінше, экономикалық тергеу департаментімен бірлесіп жүргізілген арнайы шаралардың нәтижесінде Келес, Төлеби аудандарында және Түркістан қаласында үш ірі жасырын цех анықталып, жойылған.
«Нәтижесінде 31 920 қымбат бағалы бөтелке жалған алкоголь тәркіленді. Заңсыз өнімнің нарықтық құны 170 миллион теңгеден асады», – делінген хабарламада.
Аталған факті бойынша Қылмыстық кодекстің 233-бабы бойынша сотқа дейінгі тергеу басталды.
Other materials
Adyrna.kz ұлттық порталының маңызды ақпараттарына жазылу
Соңғы жаңалықтар туралы хабардар болыңыз