تۇركىستان وبلىسىندا بەلگىلى اراق برەندتەرىن قولدان جاساعان ءۇش ءىرى جاسىرىن تسەح انىقتالدى، دەپ حابارلايدى "ادىرنا" ۇلتتىق پورتالى ايماق پروكۋراتۋراسىنا سىلتەمە جاساپ.
قاداعالاۋ ورگانى مالىمەتىنشە، ەكونوميكالىق تەرگەۋ دەپارتامەنتىمەن بىرلەسىپ جۇرگىزىلگەن ارنايى شارالاردىڭ ناتيجەسىندە كەلەس، تولەبي اۋداندارىندا جانە تۇركىستان قالاسىندا ءۇش ءىرى جاسىرىن تسەح انىقتالىپ، جويىلعان.
«ناتيجەسىندە 31 920 قىمبات باعالى بوتەلكە جالعان الكوگول تاركىلەندى. زاڭسىز ءونىمنىڭ نارىقتىق قۇنى 170 ميلليون تەڭگەدەن اسادى»، – دەلىنگەن حابارلامادا.
اتالعان فاكتى بويىنشا قىلمىستىق كودەكستىڭ 233-بابى بويىنشا سوتقا دەيىنگى تەرگەۋ باستالدى.
باسقا ماتەريالدار
Adyrna.kz ۇلتتىق پورتالىنىڭ ماڭىزدى اقپاراتتارىنا جازىلۋ
سوڭعى جاڭالىقتار تۋرالى حاباردار بولىڭىز