Халықаралық балаларды қорғау күніне орай Қазақстан астанасында жарқын мәдени шара — II Халықаралық клоундар фестивалі өтуде. Бұл фестиваль Қазақстан, Италия, Испания, Ресей және Бельгиядан келген әртістерді біріктіріп, балаларға қуаныш пен сиқырға толы мерекелік көңіл күй сыйламақ.
Фестиваль бағдарламасы театрландырылған шеру мен гала-концерттен тұрады. Бұл іс-шара балаларға арналған мәдени ортаны дамытуға және қоғамда жағымды көңіл күй қалыптастыруға бағытталған.
Фестиваль аясында 11:00-де Нұржол бульварында түрлі елден келген әртістердің қатысуымен клоундар шеруі басталады (шеру «Бәйтерек» монументінен басталып, «Хан Шатыр» СОСО-ның қарсысындағы «Ғашықтар» саябағына дейін жалғасады).
Бағдарламада — аты аңызға айналған Мутурғановтар әулетінің, Тараз қаласының клоундарының, Санкт-Петербург қаласындағы әйгілі «Лицедеи» театрының әртістерінің, испаниялық Хуго Санчес-кіші, италиялық Дэнни мен Диво дуэтінің және Бельгиядан арнайы келген клоун Бартоның өнер көрсетулері бар.
