حالىقارالىق بالالاردى قورعاۋ كۇنىنە وراي قازاقستان استاناسىندا جارقىن مادەني شارا — II حالىقارالىق كلوۋندار فەستيۆالى وتۋدە. بۇل فەستيۆال قازاقستان، يتاليا، يسپانيا، رەسەي جانە بەلگيادان كەلگەن ارتىستەردى بىرىكتىرىپ، بالالارعا قۋانىش پەن سيقىرعا تولى مەرەكەلىك كوڭىل كۇي سىيلاماق.
فەستيۆال باعدارلاماسى تەاترلاندىرىلعان شەرۋ مەن گالا-كونتسەرتتەن تۇرادى. بۇل ءىس-شارا بالالارعا ارنالعان مادەني ورتانى دامىتۋعا جانە قوعامدا جاعىمدى كوڭىل كۇي قالىپتاستىرۋعا باعىتتالعان.
فەستيۆال اياسىندا 11:00-دە نۇرجول بۋلۆارىندا ءتۇرلى ەلدەن كەلگەن ارتىستەردىڭ قاتىسۋىمەن كلوۋندار شەرۋى باستالادى (شەرۋ «بايتەرەك» مونۋمەنتىنەن باستالىپ، «حان شاتىر» سوسو-نىڭ قارسىسىنداعى «عاشىقتار» ساياباعىنا دەيىن جالعاسادى).
باعدارلامادا — اتى اڭىزعا اينالعان مۋتۋرعانوۆتار اۋلەتىنىڭ، تاراز قالاسىنىڭ كلوۋندارىنىڭ، سانكت-پەتەربۋرگ قالاسىنداعى ايگىلى «ليتسەدەي» تەاترىنىڭ ارتىستەرىنىڭ، يسپانيالىق حۋگو سانچەس-كىشى، يتاليالىق دەنني مەن ديۆو دۋەتىنىڭ جانە بەلگيادان ارنايى كەلگەن كلوۋن بارتونىڭ ونەر كورسەتۋلەرى بار.
