Қазақстандық теннисші Елена Рыбакина Токио Олимпиадасының жартылай финалында жеңіліс тапты, деп хабарлайды «Адырна» ұлттық порталы Olympic.kz-ке сілтеме жасап.
Жартылай финалда Елена Рыбакина әлемдік рейтингте 12 орында тұрған швейцариялық Белинда Бенчичпен кездескен еді.
Бұл кездесу 2 сағат 44 минутқа созылды. Тартысты кездесуде Бенчич 7:6, 4:6, 6:3 есебімен жеңді.
Елена Рыбакина Олимпиаданың қола жүлдесіне таласады. Оның қарсыласы Элина Свитолина (Украина) және Маркета Вандорушова (Чехия) арасындағы матчтан соң анықталады.
"Адырна" ұлттық порталы
Ұқсас жаңалықтар
