Ақын Жүрсін Ерман ұзақ уақыттан кейін көпшілік алдына өз аяғымен жүріп шықты. Ол кеше, 9 мамырда Қостанай облысында өткен Республикалық ақындар айтысына барған. Ақынның фотосын Мәжіліс депутаты Аманжол Әлтай желіге жүктеді, деп хабарлайды “Адырна” ұлттық порталы.
Ұзақ жылдар бойы айтыстың басы-қасында жүрген Жүрсін Ерман қазақтың халық ақыны Қонысбай Әбілге арналған республикалық ақындар айтысында қазылар алқасында төрелік етті.
«Жүрсін Ерман ұстазымыз бастаған қазылар алқасына, айтыс ақындарына, ұйымдастыруға атсалысқан азаматтарға алғыс білдіремін», - деп жазды ол.
Еске салайық, Жүрсін Ерман былтыр ауырып, жансақтау бөліміне түскен. Кейін Еуропаға емделуге кеткен. 2024 жылы ақынның денсаулығы жақсарып, аяққа тұрғаны хабарланған еді.
Ұқсас жаңалықтар
