Нұрсұлтан Назарбаев тағы бір лауазымынан айырылуы мүмкін, деп хабарлайды "Адырна" тілшісі КазТаг агенттігіне сілтеп.
Нұрсұлтан Назарбаев басқаратын "Самұрық-Қазына" ұлттық әл-ауқат қорын (ҰӘҚ) басқару жөніндегі кеңестің тарауы мүмкін. Үкімет қаулысының жобасында:
"Самұрық-Қазына" ҰӘҚ "АҚ Жарғысын бекіту туралы" Қазақстан Республикасы Үкіметінің 2012 жылғы 8 қарашадағы № 1418 қаулысына мынадай өзгерістер енгізілсін: көрсетілген қаулымен бекітілген "Самұрық-Қазына "ҰӘҚ" АҚ Жарғысында: 7-1 – тарау ("қорды басқару жөніндегі кеңес"- ҚазТАГ) алып тасталсын", - делінген.
49-1-тармаққа өзгертулер енгізілуі мүмкін: "49-1. Осы Жарғының 49-тармағының 6) (Тәуелсіз директорларды сайлауға қатысты) және 6-1) тармақшалары бойынша шешімдерді Қордың жалғыз акционері қабылдайды".
49-1-тармақта аталған шешімдер қорды басқару жөніндегі кеңеспен келісуге міндетті екені айтылған.
"57-тармақта ("Қордың Директорлар кеңесінің айрықша құзыретіне мынадай мәселелер бойынша шешімдер қабылдау жатады:" – ҚазТАГ) 28) тармақша мынадай редакцияда жазылсын: "28) Қордың Директорлар Кеңесінің қызметіне жыл сайынғы бағалау жүргізу", - делінген түзетулер жобасында.
Қазір 28-тармақшада: "қорды басқару жөніндегі Кеңеске ақпарат жібере отырып, Қордың Директорлар кеңесінің қызметіне жыл сайынғы бағалау жүргізу",-делінген.
Еске сала кетейік, осыған дейін экс-Президент акцияларынан, кітапханасынан, "Құрметті сенатор" сынды бірнеше атағынан айырылған болатын.
Related news
