Nursultan Nazarbaev taǵy bir laýazymynan aıyrylýy múmkin, dep habarlaıdy "Adyrna" tilshisi KazTag agenttigine siltep.
Nursultan Nazarbaev basqaratyn "Samuryq-Qazyna" ulttyq ál-aýqat qoryn (UÁQ) basqarý jónindegi keńestiń taraýy múmkin. Úkimet qaýlysynyń jobasynda:
"Samuryq-Qazyna" UÁQ "AQ Jarǵysyn bekitý týraly" Qazaqstan Respýblıkasy Úkimetiniń 2012 jylǵy 8 qarashadaǵy № 1418 qaýlysyna mynadaı ózgerister engizilsin: kórsetilgen qaýlymen bekitilgen "Samuryq-Qazyna "UÁQ" AQ Jarǵysynda: 7-1 – taraý ("qordy basqarý jónindegi keńes"- QazTAG) alyp tastalsyn", - delingen.
49-1-tarmaqqa ózgertýler engizilýi múmkin: "49-1. Osy Jarǵynyń 49-tarmaǵynyń 6) (Táýelsiz dırektorlardy saılaýǵa qatysty) jáne 6-1) tarmaqshalary boıynsha sheshimderdi Qordyń jalǵyz akıoneri qabyldaıdy".
49-1-tarmaqta atalǵan sheshimder qordy basqarý jónindegi keńespen kelisýge mindetti ekeni aıtylǵan.
"57-tarmaqta ("Qordyń Dırektorlar keńesiniń aıryqsha quzyretine mynadaı máseleler boıynsha sheshimder qabyldaý jatady:" – QazTAG) 28) tarmaqsha mynadaı redakııada jazylsyn: "28) Qordyń Dırektorlar Keńesiniń qyzmetine jyl saıynǵy baǵalaý júrgizý", - delingen túzetýler jobasynda.
Qazir 28-tarmaqshada: "qordy basqarý jónindegi Keńeske aqparat jibere otyryp, Qordyń Dırektorlar keńesiniń qyzmetine jyl saıynǵy baǵalaý júrgizý",-delingen.
Eske sala keteıik, osyǵan deıin eks-Prezıdent akııalarynan, kitaphanasynan, "Qurmetti senator" syndy birneshe ataǵynan aıyrylǵan bolatyn.
