Memleket basşysy Qasym-Jomart Toqaev Özbekstan prezidentı Şavkat Mirziioevpen telefon arqyly söilestı, dep habarlaidy "Adyrna" ūlttyq portaly.
Äŋgımelesu barysynda ekı el basşysy qazaq-özbek strategiialyq serıktestıgı men odaqtastyq qatynastarynyŋ joǧary qarqynmen damyp kele jatqanyn atap öttı. Sondai-aq taraptar özara yqpaldastyqty odan ärı nyǧaitu jäne biyl säuır aiynda Būhara qalasynda ötken joǧary deŋgeidegı kezdesude qol jetkızılgen uaǧdalastyqtardy naqty ıske asyru mäselelerın talqylady.
Prezidentter äkımşılıkterı, ükımetter jäne salalyq vedomstvolar arasyndaǧy bailanystyŋ jandanuy ekıjaqty yntymaqtastyqty jüielı türde damytuǧa jäne bırlesken jobalardy tiımdı ılgerıletuge yqpal etetının aitty.
Sonymen qatar Qasym-Jomart Toqaev pen Şavkat Mirziioev öŋırlık jäne halyqaralyq kün tärtıbındegı özektı mäseleler boiynşa pıkır almasyp, aldaǧy uaqytta ötkızıletın ortaq ıs-şaralardyŋ kestesın qarastyrdy.
Köşbasşylar Qazaqstan men Özbekstan arasyndaǧy dostyq, tatu körşılık jäne özara tiımdı ärıptestıktı odan ärı tereŋdetuge niettı ekenın rastady.
