Búgin Prezıdent el Konstıtýııasyna túzetýler jobasy boıynsha respýblıkalyq referendým ótkizý týraly Jarlyqqa qol qoıdy. Bul týraly Memleket hatshysy Erlan Qarın Facebook paraqshasyna jarııalady, dep habarlaıdy “Adyrna” ulttyq portaly.
“Bul Memleket basshysy qabyldaǵan saıası máni erekshe mańyzdy sheshim. Konstıtýııalyq reforma jónindegi referendým – Prezıdenttiń saıası reformalar baǵdarlamasyn iske asyrýdyń kezekti bóligi. Baǵdarlama júıeli túrde iske asady jáne ol sýperprezıdenttik modelden prezıdenttik respýblıkaǵa túpkilikti kóshýdi, birqatar bılik ókilettikterin qaıta bólýdi, Parlamenttiń róli men mártebesin kúsheıtýdi, halyqtyń memleketti basqarý isine aralasýyn arttyrýdy, azamattardyń quqyqtaryn qorǵaýdyń konstıtýııalyq tetikterin kúsheıtýdi kózdeıdi”,- delingen jazbada.
Memleket hatshysynyń aıtýynsha, reformalarǵa qoǵam men sarapshylardyń suranystary men usynystary negiz bolǵandyqtan, Prezıdenttiń ony referendým arqyly júzege asyrý týraly bastama kóterýi qısyndy.
“Elimizdegi bul referendýmnyń ereksheligi, Prezıdent óz ókilettiligin keńeıtetin emes, qaıta onyń bir bóligin basqa bılik ınstıtýttaryna bólip beretin konstıtýııalyq reformaǵa bastamashy bolyp otyr. Osylaısha, aldaǵy konstıtýııalyq reforma jónindegi referendým memleket pen qoǵam arasyndaǵy ózara qarym-qatynastardyń jańa, neǵurlym tıimdi jáne ońtaıly modeline qurylǵan Ekinshi Respýblıkanyń quqyqtyq negizin qalaıdy”,- dedi Erlan Qarın.
”Adyrna” ulttyq portaly
