نىعماتۋلين بەسىنشى جىل قاتارىنان "ەڭ ىقپالدى كاسىپكەرلەر" تىزىمىنە ەندى

پارلامەنت تومەنگى پالاتاسىنىڭ بۇرىنعى سپيكەرى نۇرلان نىعماتۋليننىڭ ەگىز ءىنىسى ەرلان نىعماتۋلين سوڭعى بەس جىلدا Forbes جۋرنالىنىڭ «قازاقستاننىڭ ەڭ ىقپالدى 50 كاسىپكەرى» تىزىمىندە بولدى، دەپ حابارلايدى "ادىرنا" سايتى.  2021 جىلى ول رەيتينگتە 32-ءشى ورىنعا يە بولدى. بىراق كاسىپكەردىڭ ناقتى جاعدايى اتالمايدى. باسىلىمنىڭ مالىمەتىنشە، ەرلان نىعماتۋليننىڭ «Informservice» جشس، «PULSE» جشس، «Viraj Service Karaganda» جشس، «Orken-Media» جشس، «TREND Capital» جشس، «YDD Corporation» جشس، «QazFerroAlloys» جشس اكتسيالارى بار. سونداي-اق ەدۋارد وگاي (رەيتينگتە №13) جانە ۆلاديمير جۇمانباەۆپەن (№34) بىرگە نىعماتۋلين «قاراجىرا» اق كومىر ءوندىرۋشى اكتسيونەرى بولىپ تابىلادى. وتكەن جىلدىڭ سوڭىندا قاراعاندىدا «Qaz Carbon» جشس-ءنىڭ فەرروقورىتپا زاۋىتىن اشتى. بۇل جوبانىڭ جالپى سوماسى 50,7 ملرد تەڭگەنى قۇرادى.

"ادىرنا" ۇلتتىق پورتالى