بۇرىنعى ەڭبەك جانە حالىقتى الەۋمەتتىك قورعاۋ ءبىرىنشى ۆيتسە-ءمينيسترى اقمادي سارباسوۆ پەن دەنساۋلىق ساقتاۋ جانە الەۋمەتتىك دامۋ ەكس-ۆيتسە-ءمينيسترى داۋلەت ارعاندىقوۆتىڭ ۇستالۋ كەزىندە جۇزدەگەن مىڭ دوللار تاركىلەندى، دەپ حابارلايدى "ادىرنا" ۇلتتىق پورتالى قازتاگ-قا سىلتەپ.
بۇل تۋرالى قارجىلىق مونيتورينگ اگەنتتىگىنىڭ (قما) ءباسپاسوز قىزمەتى حابارلادى.
ۆەدومستۆونىڭ مالىمەتىنشە، 2025 جىلعى 28 ماۋسىمدا الماتى قالاسى بويىنشا ەكونوميكالىق تەرگەپ-تەكسەرۋ دەپارتامەنتى قىزمەتكەرلەرى كەزەكتى 75 مىڭ دوللار كولەمىندەگى پارا بەرۋ كەزىندە بىرنەشە لاۋازىمدى تۇلعانى ۇستاعان.
ۇستالعاندار قاتارىندا «بىرىنشى كرەديتتىك بيۋرو» جشس باس ديرەكتورى رۋسلان وماروۆ، «ەڭبەك رەسۋرستارىن دامىتۋ ورتالىعى» اق باسقارما توراعاسى، بۇرىنعى ءبىرىنشى ۆيتسە-مينيستر اقمادي سارباسوۆ جانە «ەڭبەك رەسۋرستارىن دامىتۋ ورتالىعى» اق بۇرىنعى باسشىسى، دەنساۋلىق ساقتاۋ جانە
ءتىنتۋ بارىسىندا كۇدىكتىلەردىڭ ۇيىنەن 370 مىڭ اقش دوللارى مەن 4,5 ميلليون تەڭگە تابىلىپ، تاركىلەنگەن.
قما مالىمەتىنشە، ء«بىرىنشى كرەديتتىك بيۋرو» باسشىلىعى جۇيەلى تۇردە «ەڭبەك رەسۋرستارىن دامىتۋ ورتالىعىنىڭ» باسشىلارىنا زاڭسىز سىياقى بەرىپ وتىرعان. بۇل قارجى قارجىلىق ۇيىمداردىڭ سۇرانىستارىن وڭدەۋگە قاجەت اقپاراتتىق قىزمەتتەردى لوببيلەۋ ءۇشىن بەرىلگەن.
«2025 جىلعى 30 ماۋسىمدا سوت سانكتسياسىمەن سارباسوۆ، ارعاندىكوۆ جانە وماروۆ ەكى اي مەرزىمگە قاماۋعا الىندى»، – دەپ حابارلادى اگەنتتىك.
ەسكە سالايىق، سارباسوۆ، ارعاندىقوۆ جانە رۋسلان وماروۆتىڭ ۇستالعانى تۋرالى اقپارات 1 شىلدەدە بەلگىلى بولعان ەدى. قازىرگى ۋاقىتتا تەرگەۋ امالدارى جالعاسۋدا.
