قازاقستان 10 اي ىشىندە ازەربايجانعا 707 مىڭ توننا استىق ەكسپورتتادى، دەپ حابارلايدى «ادىرنا» ءتىلشىسى.
اۋىل شارۋاشىلىعى مينيسترلىگىنىڭ مالىمەتىنشە، 2024 جىلعى قىركۇيەك پەن 2025 جىلعى ماۋسىم ارالىعىندا ەلىمىزدەن شەتكە جونەلتىلگەن جاڭا استىق ءونىمىنىڭ كولەمى 9 ملن تونناعا جەتكەن. بۇل وتكەن جىلمەن سالىستىرعاندا 60%-عا كوپ.
ەكسپورتتىڭ نەگىزگى باعىتتارى — ءداستۇرلى تۇردە ورتالىق ازيا مەن جاقىن شەتەل مەملەكەتتەرى:
وزبەكستان – 3,3 ملن توننا (+32%),
تاجىكستان – 1,2 ملن توننا (+45%),
اۋعانستان – 309 مىڭ
قىرعىزستان – 233 مىڭ توننا (+94%),
يران – 974 مىڭ توننا (17,5 ەسە ءوستى),
ازەربايجان – 707 مىڭ توننا (116 ەسە ءوستى).
يران مەن ازەربايجانعا جەتكىزۋ كولەمىنىڭ ءوسۋى ساۋدا-ەكونوميكالىق بايلانىستاردىڭ كەڭەيۋىمەن قاتار، حالىقارالىق كولىك دالىزدەرىنىڭ دامۋىنا بايلانىستى بولىپ وتىر.
ايتا كەتەيىك، 2024 جىلى قازاقستان 26 ميلليون توننا استىق جيناعان بولاتىن. ال وسى جىلعى ءونىم ەكسپورتىنىڭ بولجامى 12 ميلليون توننا دەپ باعالانۋدا.
