رەسەي اۋعانستانداعى راديكالدى «تاليبان» قوزعالىسىنىڭ ۇكىمەتىن رەسمي تۇردە مويىندادى. بۇل تۋرالى 3 شىلدە كۇنى تاسس اگەنتتىگى رەسەي سىرتقى ىستەر مينيسترلىگىنە سىلتەمە جاساپ جازدى، دەپ حابارلايدى “ادىرنا”.
وسىلايشا، ماسكەۋ 2021 جىلى تالىپتەر ورناتقان رەجيمدى مويىنداعان الەمدەگى العاشقى ەل بولدى.
رەسەي ءسىم مالىمەتىنشە، اۋعانستاننىڭ جاڭا ەلشىسىنىڭ سەنىم گراموتالارى قابىلداندى. رەسەي تاراپى ەكىجاقتى ىنتىماقتاستىقتى دامىتۋعا ءۇمىت ءبىلدىردى.
ماسكەۋدەگى اۋعانستان ەلشىلىگىنىڭ عيماراتىنا العاش رەت تالىپتەر ورناتقان تۋ كوتەرىلدى.
تاسس اگەنتتىگىنىڭ حابارلاۋىنشا، «اۋعانستان يسلام امىرلىگىن» مويىنداۋ تۋرالى شەشىمدى پرەزيدەنت ۆلاديمير پۋتين سىرتقى ىستەر ءمينيسترى سەرگەي لاۆروۆتىڭ ۇسىنىسى بويىنشا قابىلدادى.
2024 جىلدىڭ ءساۋىر ايىندا رەسەيدىڭ جوعارعى سوتى 2003 جىلدان بەرى كۇشىندە بولعان
2024 جىلدىڭ مامىر ايىندا «تاليبان» قوزعالىسىن تەرروريستىك ۇيىمدار تىزىمىنەن شىعارۋ تۋرالى ۇسىنىستى رەسەيدىڭ سىرتقى ىستەر مينيسترلىگى مەن ادىلەت مينيسترلىگى ەنگىزگەن بولاتىن.
«تاليبان» قوزعالىسى 2021 جىلدىڭ تامىزىندا اقش اسكەرلەرى اۋعانستاننان شىعارىلعاننان كەيىن بيلىكتى باسىپ الدى. قوزعالىس بىرقاتار ەلدەردىڭ سانكتسيالىق تىزىمىنە ەنگەنىنە قاراماستان، ونىڭ وكىلدەرى رەسەيگە ءجيى كەلەدى. پۋتين بۇعان دەيىن «تاليباندى» تەرروريزمگە قارسى كۇرەستە ماسكەۋدىڭ وداقتاسى دەپ اتاعان.
