ايجان ەسماعامبەتوۆا جامبىل وبلىسى اكىمىنىڭ ورىنباسارى بولىپ تاعايىندالدى

689
Adyrna.kz Telegram
https://www.adyrna.kz/storage/uploads/FlEeauJk8YPs8TWkCn8nKxKB61b7X922uzvg95Ys.webp

قازاقستاننىڭ بۇرىنعى باس مەملەكەتتىك سانيتاريالىق دارىگەرى ايجان ەسماعامبەتوۆا جامبىل وبلىسى اكىمىنىڭ ورىنباسارى بولىپ تاعايىندالدى. بۇل تۋرالى ءوڭىر اكىمدىگى مالىمدەدى، دەپ حابارلايدى "ادىرنا".

"پرەزيدەنت اكىمشىلىگىنىڭ كەلىسىمىنە جانە جامبىل وبلىسى اكىمىنىڭ وكىمىنە سايكەس ايجان سەرىكبايقىزى ەسماعامبەتوۆا جامبىل وبلىسى اكىمىنىڭ ورىنباسارى (الەۋمەتتىك جۇمىس بويىنشا) بولىپ تاعايىندالدى", - دەلىنگەن حابارلامادا.

ايجان سەرىكبايقىزى 1972 جىلى دۇنيەگە كەلگەن. ءبىلىمى جوعارى. 1997 جىلى قازاق مەملەكەتتىك مەديتسينا ۋنيۆەرسيتەتىن "سانيتاريا، گيگيەنا جانە ەپيدەميولوگيا", 2005 جىلى "قدسجم" قازاقستاندىق مەديتسينا ۋنيۆەرسيتەتىن "قوعامدىق دەنساۋلىق ساقتاۋ" جانە 2008 جىلى Almaty Management University-ءىن "دەنساۋلىق ساقتاۋ مەنەدجمەنتى" ماماندىعى بويىنشا بىتىرگەن.

ەڭبەك جولىن 1990 جىلى الماتى قالاسى №7 ەمحاناسىنىڭ فەلدشەر-زەرتحاناشىسى بولىپ باستاعان.

ءار جىلدارى رەسپۋبليكالىق سانيتارلىق ەپيدەميولوگيالىق ستانتسياسىنىڭ ەپيدەميولوگ-دارىگەرى، دەنساۋلىق ساقتاۋ مينيسترلىگى سانيتارلىق-ەپيدەميولوگيالىق قاداعالاۋ كوميتەتىندە جەتەكشى مامان، باس مامان، ساراپشى، باسقارما باسشى

قىزمەتتەرىن اتقارعان. 

سونداي-اق دەنساۋلىق ساقتاۋ مينيسترلىگى مەملەكەتتىك سانيتاريالىق-ەپيدەميولوگيالىق قاداعالاۋ كوميتەتىنىڭ توراعاسى – باس مەملەكەتتىك سانيتاريالىق دارىگەرىنىڭ ورىنباسارى، دارىگەرى، تۇتىنۋشىلاردىڭ قۇقىقتارىن قورعاۋ اگەنتتىگىنىڭ باس مەملەكەتتىك سانيتاريالىق دارىگەرىنىڭ ورىنباسارى – ەپيدەميولوگيالىق قاداعالاۋ دەپارتامەنتىنىڭ ديرەكتورى، ۇلتتىق ەكونوميكا مينيسترلىگى تۇتىنۋشىلاردىڭ قۇقىقتارىن قورعاۋ كوميتەتىنىڭ ءبولىم باسشىسى بولىپ ەڭبەك ەتكەن.

بۇدان بولەك، دەنساۋلىق ساقتاۋ مينيسترلىگىنىڭ ستراتەگيالىق دامۋ جانە قوعامدىق دەنساۋلىق ساقتاۋ، قوعامدىق دەنساۋلىق ساقتاۋ ساياساتى دەپارتامەنتتەرىنىڭ ديرەكتورى، تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتى توراعاسىنىڭ ورىنباسارى، سانيتاريالىق-ەپيدەميولوگيالىق باقىلاۋ كوميتەتىنىڭ توراعاسى، دەنساۋلىق ساقتاۋ ۆيتسە-ءمينيسترى – قازاقستاننىڭ باس مەملەكەتتىك سانيتاريالىق دارىگەرى بولعان.

2024 جىلعى شىلدە ايىنان باستاپ جاڭا قىزمەتىنە دەيىن دەنساۋلىق ساقتاۋ مينيسترلىگىنىڭ "قوعامدىق دەنساۋلىق ساقتاۋ ۇلتتىق ورتالىعى" شجق رمك باسقارما توراعاسى قىزمەتىن اتقارعان.

پىكىرلەر