ادام قۇقىقتارى جونىندەگى ەۋروپالىق سوت 2014 جىلى ۋكراينا اۋە كەڭىستىگىندە Malaysia Airlines اۋە كومپانياسىنىڭ MH17 رەيسىنىڭ اپاتقا ۇشىراۋىنا رەسەي فەدەراتسياسىن كىنالى دەپ تاپتى، دەپ حابارلايدى "ادىرنا" ۇلتتىق پورتالى.
سوت ءوز شەشىمىندە 17 شىلدە 2014 جىلى امستەردامنان كۋالا-لۋمپۋرعا باعىت العان جولاۋشىلار ۇشاعىن شىعىس ۋكراينادا رەسەيشىل سەپاراتيستەر باقىلاۋىنداعى اۋماقتان «بۋك» زىمىرانىمەن اتىپ تۇسىرگەنىن راستادى.
جولاۋشىلار مەن ەكيپاج قۇرامىنداعى 298 ادامنىڭ بارلىعى قازا تاپقان. قۇربانداردىڭ 196-سى — نيدەرلاندى ازاماتتارى.
سوت رەسەيدىڭ بۇل اپاتتاعى ءرولىن ناقتى دالەلدەرمەن بايلانىستىرىپ، ادام ومىرىنە قاۋىپ ءتوندىرىپ، حالىقارالىق قۇقىقتى بۇزعانىن مالىمدەدى. ايتا كەتەيىك، بۇعان دەيىن بۇۇ دا مامىر ايىندا MH17 اپاتى ءۇشىن رەسەيدىڭ جاۋاپتى ەكەنىن مويىنداعان بولاتىن.
