تۋريزم ۇلتتىق ەكونوميكا وسىمىنە تىڭ سەرپىن بەرەتىن باعىتقا اينالۋدا. مەملەكەت باسشىسى قاسىم-جومارت توقاەۆ ايقىنداپ بەرگەن سالانى دامىتۋ جونىندەگى باسىمدىقتارعا سايكەس، «AMANAT» پارتياسى ەلىمىزدىڭ نەگىزگى تابيعي لاندشافتتارىنقامتيتىن ۇلتتىق تۋريستىك سوقپاقتار جۇيەسى – «الاتاۋ اماناتى» جوباسىن ىسكە قوستى.
جوبا ىلە-الاتاۋ مەملەكەتتىك ۇلتتىق تابيعي پاركى اۋماعىنداعى ايۋساي شاتقالىندا باستاۋ الدى. ءىس-شاراعا ءماجىلىس سپيكەرى، «AMANAT»پارتياسىنىڭ توراعاسى ەرلان قوشانوۆ، تۋريزم جانە سپورت ءمينيسترى ەربول مىرزابوسىنوۆ، الماتى قالاسىنىڭ اكىمى دارحان ساتىبالدى،الماتى وبلىسىنىڭ اكىمى مارات سۇلتانعازيەۆ، دەپۋتاتتار، ءماجىلىس جانىنداعى قوعامدىق پالاتا مۇشەلەرى، «Kaz Alpine Club» بەلسەندىلەرى، تۋريستىك، ەكولوگيالىق ۇيىمداردىڭ وكىلدەرى، «جاستار رۋحىنىڭ» بەلسەندىلەرى قاتىستى.
«بۇگىندە تۋريزم ەكونوميكالىق وسىمگە تىڭ سەرپىن بەرەتىن باعىتقا اينالۋدا. تۋريزم – بۇل جاڭا مۇناي. سوندىقتان مەملەكەت باسشىسى وسى سەكتوردى دامىتۋ قاجەت ەكەنىن ۇنەمى ايتىپ كەلەدى. پرەزيدەنتىمىز جۇرگىزىپ جاتقان ىشكى جانە سىرتقى سىندارلى ساياساتى ارقىلى ەلىمىزدە بەيبىتشىلىك پەن تۇراقتىلىق، كورشىلەس مەملەكەتتەرمەن دوستىق قارىم-قاتىناس ورنادى. ناتيجەسىندە – شەتەلدىك تۋريستەر حالقىمىزدىڭ قوناقجايلىعىن جاقسى بىلەدى جانە قازاقستانعا ەرەكشە ىقىلاسپەن كەلەدى. بۇگىنگى «الاتاۋ اماناتى» جوباسى قازاقستاندىق ءتۋريزمدى دامىتۋ باعىتىندا جاسالعان تاعى ءبىر ماڭىزدى ءارى جۇيەلى قادام ەكەنىنە سەنىمدىمىن»، – دەدى ەرلان قوشانوۆ.
«الاتاۋ اماناتى» جوباسى شارىن شاتقالىنانباستاپ، تامعالى-تاس ارحەولوگيالىق كەشەنىنە دەيىنگى 1200
سوقپاق بويىنداعى نەگىزگى ايالدامالار قازىردىڭ وزىندە تۋريستىك تارتىمدىلىعى بار ورىندارعااينالۋدا. وسىنداي نىسانداردىڭ قاتارىندا «ەسىك»مەملەكەتتىك تاريحي-مادەني مۋزەي-قورىعى، كوكجايلاۋ شاتقالى، بۋتاكوۆ شاتقالى، الما-اراسان ىستىق بۇلاقتارى، ۇلكەن الماتى كولى، VIII-XIII عاسىرلارداعى تالحيز قالاشىعى، سونداي-اق «Oi-Qaragai» تاۋ كۋرورتى بار.
جوبا ىسكە قوسىلعان كۇنى قاتىسۋشىلار «تازا قازاقستان» جالپىۇلتتىق اكتسياسى اياسىندا تاۋدا قوقىس جيناپ، پلوگگينگ – ەكولوگيالىق ءىس-شارا وتكىزدى.
«الاتاۋ اماناتى» جوباسىن ءبىر جارىم جىلدا جۇزەگە اسىرۋ جوسپارلانۋدا. ماجىلىستەگى «AMANAT» پارتياسى فراكتسياسى ساراپشىلارمەن بىرلەسىپ، جوباعا زاڭنامالىق قولداۋ كورسەتەدى. تۋريستىك سوقپاقتاردى قۇقىقتىق تۇرعىدا رەتتەيتىن بازا قۇرىلادى، سونداي-اق ولاردى جوبالاۋ مەن اباتتاندىرۋدىڭ بىرىڭعاي ەرەجەلەرى ازىرلەنەدى. بولاشاقتا شىتىرمان وقيعاعا تولى ءتۋريزمدى دامىتۋدىڭ وسى ءتاسىلىن ەل اۋماعىندا كەڭىنەن قولدانۋ جوسپارلانۋدا.
