ەلىمىزدە تىيىم سالىنعان ەسىمدەر ءتىزىمى بار ما؟ مينيسترلىك جاۋاپ بەردى

1411
Adyrna.kz Telegram
https://www.adyrna.kz/storage/uploads/R8TeKpQ2KTGiH5EvZ2zJ5z1VrSgvkgAEmRZ4RSR3.jpg

ادىلەت مينيسترلىگى بالاعا ات قويۋ راسىمىنە بايلانىستى رەسمي تۇسىنىكتەمە بەردى، دەپ حابارلايدى «ادىرنا» ءتىلشىسى Tengrinews.kz-كە سىلتەمە جاساپ.

جۋرناليستەر مينيسترلىككە «بالالارعا الدار كوسە، اياز اتا سياقتى ەرتەگى نە ميفولوگيالىق كەيىپكەرلەردىڭ ەسىمىن بەرۋگە بولا ما؟ 30 تاڭبادان اساتىن ەسىمدەرگە شەكتەۋ بار ما؟» دەگەن ساۋال تاستاعان.

قۇزىرلى ورگان ات قويۋدا ارنايى شەكتەۋلەر جوق ەكەنىن مالىمدەدى.

«قولدانىستاعى زاڭناماعا سايكەس، بالاعا ەسىم بەرۋ – اتا-انانىڭ نەمەسە زاڭدى وكىلدەردىڭ قۇقىعى. ەسىم قويۋعا قاتىستى قانداي

دا ءبىر شەكتەۋ نە تىيىم سالىنعان ەسىمدەر ءتىزىمى جوق»،—دەلىنگەن جاۋاپتا.

ياعني، اتا-انالار بالاسىنا قالاعان ەسىمىن قويا الادى، ونىڭ ىشىندە حالىق ەرتەگىسىندەگى كەيىپكەرلەردىڭ ەسىمدەرى دە بار. الايدا بۇل ەسىمدەر بالا قۇقىعىن بۇزباۋى جانە اقىلعا قونىمدى بولۋى ءتيىس.

ايتا كەتەيىك، 2022 جىلعى 14 شىلدەدەن باستاپ قازاقستاندا ەسىم، تەگىن نەمەسە اكەسىنىڭ اتىن وزگەرتۋ بويىنشا جەكە مەملەكەتتىك تىركەۋ پروتسەدۋراسى الىنىپ تاستالدى.

 

 

پىكىرلەر