استانادا پەريزات قايراتقا قاتىستى باستى سوت وتىرىسى ءجۇرىپ جاتىر. پروكۋرور مادينا ورازالينا ايىپتاۋ اكتىسىن وقىدى، دەپ حابارلايدى «ادىرنا» ءتىلشىسى.
قۇجاتقا سايكەس، پەريزات قايرات پەن عايني الاشباەۆا اسا ءىرى كولەمدەگى الاياقتىق جانە الدىن الا ءسوز بايلاسۋ ارقىلى توپپەن جاسالعان زاڭسىز تابىس كوزىن زاڭداستىرۋ ارەكەتتەرى ءۇشىن ايىپتالىپ وتىر.
مەملەكەتتىك ايىپتاۋشىنىڭ مالىمەتىنشە، 2018 جىلدىڭ قاراشا ايىندا “Halyk” قايىرىمدىلىق قورى الەۋمەتتىك باعىتتاعى جوبالاردى تەگىن قارجىلاندىرۋ ماقساتىندا birgemiz.kz ينتەرنەت-پلاتفورماسىن ىسكە قوسقان. بۇل پلاتفورما ء“بىز بىرگەمىز” ۇرانىمەن جۇمىس ىستەپ، پاندەميا كەزىندە حالىققا قولداۋ كورسەتۋدە كەڭىنەن تانىلعان.
سوتتا جاريالانعان ايىپتاۋ اكتىسىندە ايتىلعانداي، پەريزات قايرات اتالعان باستامانىڭ قوعامدا ۇلكەن قولداۋعا يە ەكەنىن بىلە تۇرا، ازاماتتار مەن ۇيىمدار قايىرىمدىلىققا اۋدارعان قاراجاتتى الاياقتىق جولمەن يەمدەنۋدى كوزدەگەن. ول ء“بىز بىرگەمىز” اتاۋىن پايدالانىپ، قوعامدىق بىرلەستىك قۇرۋ ارقىلى قارجىنى زاڭسىز جولمەن يەلەنۋدى ماقسات ەتكەن.
سونداي-اق سوتتا قوردى قۇرۋ بارىسىندا دا زاڭ تالاپتارى بۇزىلعانى ايتىلدى. «قوعامدىق بىرلەستىكتەر تۋرالى» زاڭنىڭ 10-بابىنا
پروكۋروردىڭ مالىمەتىنشە، جينالعان قاراجاتتىڭ كوپ بولىگى پەريزات قايرات پەن ونىڭ اناسىنىڭ جەكە ماقساتتارىنا جۇمسالعان. ولار بۇل اقشانى قىمبات اشەكەيلەر مەن برەندتىك زاتتار ساتىپ الۋعا، سونداي-اق ءتۇرلى ساياحاتتارعا شىعۋعا پايدالانعان.
ودان بولەك، سوت وتىرىسىندا پەريزات قايراتتىڭ جوعارى ءبىلىمى جوق ەكەنى دە ايتىلدى. بۇعان دەيىن ول University of Nottingham بريتاندىق ۋنيۆەرسيتەتىن Business management ماماندىعى بويىنشا بىتىرگەنىن ايتقان ەدى.
