قايتارىلعان اكتيۆتەردى باسقارۋ كومپانياسى كوللەكتسيالىق مونەتالار مەن زەرگەرلىك بۇيىمداردى اۋكتسيون ارقىلى ساتۋعا شىعاردى، دەپ حابارلايدى «ادىرنا» ءتىلشىسى.
قايتالاما ەلەكتروندى اۋكتسيون 30 شىلدە كۇنى E-Qazyna پلاتفورماسىندا وتەدى. كومپانيا مالىمەتىنشە، توعىز بۇيىمنان تۇراتىن لوتتىڭ باستاپقى باعاسى 67,3 ميلليون تەڭگەنى قۇراپ وتىر.
ساتىلىمعا شىعارىلعان باعالى بۇيىمداردىڭ قاتارىندا «قازاقتىڭ ۇلتتىق ويىندارى مەن سالت-داستۇرلەرى» توپتاماسىنان كۇمىس مونەتالار ۇسىنىلعان. اتاپ ايتقاندا، «باتا»، «بەتاشار» جانە ءتورت ء«سۇيىندىر» مونەتاسى بار. بۇدان بولەك، ەكى دانا «شىڭعىس حان» مونەتاسى مەن 500 تەڭگەلىك «Chinggis Khan
ايتا كەتەيىك، ساتىلىمعا قويىلعان كوللەكتسيالىق مونەتالار بۇرىن قايرات ساتىبالدىدان تاركىلەنگەن مۇلىككە تيەسىلى بولۋى مۇمكىن.
2024 جىلى باس پروكۋراتۋرا قايرات ساتىبالدى مەن ونىڭ اينالاسىنان 174 ءسان-سالتانات بۇيىمىن – ەكسكليۋزيۆتى اشەكەيلەردى، برەندتىك ساعاتتار مەن سيرەك كەزدەسەتىن كوللەكتسيالىق مونەتالاردى تاركىلەگەنىن ايتقان ەدى.
پروكۋراتۋرانىڭ مالىمەتىنشە، سوڭعى 2,5 جىلدا ساتىبالدى مەملەكەتكە جالپى سوماسى 783 ميلليارد تەڭگەنى قۇرايتىن مۇلىكتى قايتارعان.
