پرەمەرگە سۇراق. نازارباەۆتار اۋلەتىنە تيەسىلى اكتيۆتەر قاشان تولىق قايتارىلادى؟

999
Adyrna.kz Telegram
https://www.adyrna.kz/storage/uploads/dwrfcbPSZRRUHqx42PnFglj5hXDt1IabeBGjgRY8.jpg

نازارباەۆتار اۋلەتىنە تيەسىلى اكتيۆتەر قاشان قايتارىلادى؟  بۇل ماسەلە ۇكىمەت وتىرىسىنان كەيىن وتكەن بريفينگتە كوتەرىلدى. باق وكىلى پرەمەر-مينيستر ولجاس بەكتەنوۆتەن اۋلەتكە ءوتىپ كەتكەن اكتيۆتەردىڭ قاشان قايتارىلاتىنىن سۇرادى, دەپ حابارلايدى “ادىرنا”.

«قاڭتار وقيعاسىنان كەيىن حالىق نازارباەۆتار اۋلەتىنە قاتىستى ەلدە وڭ وزگەرىستەر بولادى دەپ سەندى. بىراق نازارباەۆتار اۋلەتى ءالى دە، شالقىپ-تاسىپ ءومىر ءسۇرىپ جاتىر. اكتيۆتەر قايتارىلىپ جاتقان جوق. بۇل اۋلەتتەن قانداي قاراجات قايتارىلىپ جاتقانىن كوزبەن كورىپ وتىرعان جوقپىز. وسى ورايدا ۇكىمەت كوزبوياۋشىلىقپەن اينالىسىپ جاتقان جوق پا؟» – دەپ سۇرادى جۋرناليست.

بەكتەنوۆ ۇكىمەتتىڭ كوزبوياۋشىلىقپەن اينالىسپايتىنىن،

ەلدە بارلىعى زاڭ نەگىزىندە جۇزەگە اساتىنىن ايتتى. ال اۋلەت وكىلدەرىنەن قاراجات قايتارىلىپ جاتقانىن جەتكىزدى.

«ەشكىم كوزبوياۋشىلىقپەن اينالىسىپ جاتقان جوق. جۇيەلى جۇمىس جۇرگىزىلىپ جاتىر. ءوزىڭىز بىلەسىز، اۋلەت وكىلى قىلمىستىق جاۋاپكەرشىلىككە تارتىلعان بولاتىن. بارلىعى زاڭ نەگىزىندە جۇزەگە اسۋى كەرەك. 900 ملرد تەڭگە مەملەكەتكە قايتارىلدى. بۇل دا از اقشا ەمەس. ءبىز اقىرىنداپ وسىنداي ناتيجەگە قول جەتكىزدىك. مۇنىڭ بارلىعى ءبىر كۇندە ىستەلگەن جوق. جۇمىس ءالى دە جۇرگىزىلىپ جاتىر. ەگەر كىمدە-كىم زاڭدى بۇزسا جاۋاپقا تارتىلادى»، - دەدى بەكتەنوۆ.

پىكىرلەر