ەو ەلدەرىنىڭ سىرتقى ىستەر مينيسترلەرى ء(سىم) ادام قۇقىقتارىن بۇزۋ مەن گيبريدتىك ارەكەتتەر ءۇشىن جاڭا رەسەيلىكتەر ءتىزىمىن بەكىتتى. ۋكرايناداعى سوعىسقا بايلانىستى 18-ءشى سانكتسيالىق پاكەت دايىندالىپ جاتىر. بۇل تۋرالى DW سايتى جازدى، دەپ حابارلايدى “ادىرنا”.
ەۋروپالىق وداق ادام قۇقىقتارىن بۇزۋ جانە گيبريدتىك ارەكەتتەر بويىنشا سانكتسيالىق رەجيمدەر اياسىندا رەسەي ازاماتتارىنىڭ جاڭا ءتىزىمىن جاسادى. بۇل تىزىمدەردى 15 شىلدە كۇنى بريۋسسەلدە وتكەن ەو سىرتقى ىستەر كەڭەسىنىڭ وتىرىسىندا ەو ەلدەرىنىڭ سىرتقى ىستەر مينيسترلەرى بەكىتتى.
سانكتسيالارعا رەسەيلىك سوت جۇيەسىنىڭ بەس وكىلى ىلىكتى. ولار – بەلسەندى الەكسەي گورينوۆتى قۋدالاۋدا شەشۋشى ءرول اتقارعان تۇلعالار. الەكسەي گورينوۆ – ماسكەۋدىڭ كراسنوسەلسكي اۋدانىنداعى بۇرىنعى مۋنيتسيپالدىق دەپۋتات، رەسەيدىڭ ۋكرايناعا قارسى سوعىسى جايلى پىكىر بىلدىرگەنى ءۇشىن ساياسي سەبەپپەن قاتاڭ رەجيمدەگى كولونياعا ءۇش جىلعا سوتتالعان. ەو كەڭەسىنىڭ ءباسپاسوز قىزمەتى مالىمدەگەندەي، "جازاسىن وتەۋ كەزىندە الەكسەي گورينوۆ قاتىگەز قارىم-قاتىناسقا تاپ بولدى، وعان لايىقتى مەديتسينالىق كومەك كورسەتىلمەگەن، ۇزاق ۋاقىت وقشاۋلاۋدا ۇستالۋى مەن ۇيقىدان ايىرىلۋى ورىن العان".
اتالعان جەكە سانكتسيالار ەو اۋماعىنا كىرۋگە تىيىم سالۋدى جانە اكتيۆتەردى بۇعاتتاۋدى كوزدەيدى.
سونىمەن قاتار، ەو ەلدەرىنىڭ سىرتقى ىستەر مينيسترلەرى رەسەيگە قارسى ۋكرايناداعى سوعىس ءۇشىن دايىندالعان 18-ءشى سانكتسيالىق پاكەتتى بەكىتەدى دەپ كۇتىلۋدە. بۇل پاكەتتە مۇناي باعاسىنا جاڭا شەكتەۋ دە قاراستىرىلعان. پولشا ءسىم باسشىسى رادوسلاۆ سيكورسكيدىڭ ايتۋىنشا، كەلىسىم "الداعى ساعاتتاردا" قول جەتكىزىلۋى مۇمكىن. بۇل سانكتسيالىق پاكەتتى ۇزاق
15 شىلدە كۇنى ەو مولدوۆاداعى پرەزيدەنت سايلاۋى مەن ەو-عا قوسىلۋ بويىنشا رەفەرەندۋم كەزىندە داۋىس ساتىپ الۋ جۇيەسىنە قاتىسى بار تۇلعالارعا قاتىستى جەكە سانكتسيالار ەنگىزدى. شەكتەۋ شارالارى جەتى جەكە تۇلعا مەن ءۇش زاڭدى تۇلعاعا قولدانىلدى. ولاردىڭ اراسىندا – ەو سانكتسيالار تىزىمىندە بۇرىننان بار رەسەيشىل ساياساتكەر جانە كاسىپكەر يلان شورمەن تىعىز بايلانىستاعى سەرىكتەستەر بار.
سانكتسياعا ۇشىراعاندار قاتارىندا مولدوۆا سوتىمەن تىيىم سالىنعان "شور" پارتياسىنىڭ مۇراگەرى بولىپ سانالاتىن ۇيىمداردىڭ باسشىلارى مەن مۇشەلەرى بار. ەو كەڭەسىنىڭ مالىمەتىنشە، ولار 2024 جىلى وتەتىن پرەزيدەنت سايلاۋى مەن كونستيتۋتسيالىق رەفەرەندۋم كەزىندە داۋىس ساتىپ الۋ سحەمالارىنا بەلسەندى قاتىسقان، سونداي-اق بىرنەشە مولدوۆا ساياساتكەرلەرىن ساتىپ الۋعا ارەكەت جاساعان.
سونداي-اق، رەسەيمەن بايلانىسى بار مولدوۆالىق "A7" كومپانياسى دا سانكتسياعا ىلىكتى. ول 2024 جىلعى پرەزيدەنت سايلاۋىنا جانە ەو-عا قوسىلۋ تۋرالى رەفەرەندۋمعا ىقپال ەتۋ ارەكەتتەرى ءۇشىن جاۋاپتى دەپ تانىلدى. سونىمەن قاتار، ەو كەڭەسى يلان شور قۇرعان جانە جالعان اقپارات تاراتۋ مەن داۋىس ساتىپ الۋ سحەمالارىمەن اينالىسقان "جەڭىس" ساياسي بلوگىن سانكتسيالىق تىزىمگە ەنگىزدى. سانكتسيالار مولدوۆا مادەني-اعارتۋ ورتالىعىنا دا سالىندى – بۇل ۇيىم 2024 جىلعى سايلاۋعا ارالاسۋعا جاردەمدەستى دەپ ايىپتالۋدا.
