شەرزات پولاتتىڭ ولىمىنە قاتىستى سوتتالعانداردىڭ ءبىرى دۋمان ىسقاق بوستاندىققا شىقتى، ال وسى ءىس بويىنشا اپەللياتسيالىق سوت 18 تامىزدا قارالادى. بۇل تۋرالى شەرزات پولات جانۇياسىنىڭ قورعاۋشىسى زاڭگەر مەيىرمان شەكەەۆ مالىمدەدى، دەپ حابارلايدى "ادىرنا".
دۋمان ىسقاق كامەلەتتىك جاسقا تولماعان 434-باپ، ياعني اۋىر قىلمىس تۋرالى حابارلاماعانى ءۇشىن 1 جىل 6 ايعا باس بوستاندىعىنان ايىرىلعان ەدى.
ء“بىرىنشى سوت ۇكىمىمەن تاعايىندالعان جازانى وتەپ قويعاندىقتان الماتى وبلىستىق سوتىنىڭ قىلمىستىق ىستەر جونىندەگى سوت القاسىنىڭ سۋدياسى مۇسابەكوۆانىڭ 2025 جىلعى 23 شىلدەدەگى سوت قاۋلىسىمەن بۇلتارتپاۋ شاراسى جويىلىپ، ىسقاق قاماۋدان بوساتىلدى”، – دەدى شەكەەۆ.
ايتا كەتەيىك، ءدال وسى دۋمان ىسقاققا سوت زالىندا شەرزاتتىڭ اكەسى قارجاۋباي نۇرىموۆ كەشىرىم بەرگەنىن ايتقان ەدى. ال اپپەلياتسيالىق شاعىمدى شىڭعىس بەلعوجاەۆ پەن دۋمان ىسقاقتان باسقا جەتى سوتتالعان بەردى. ەندى اپپەلياتسيالىق سوت وتىرىسى 18 تامىزدا الماتى وبلىستىق سوتىنىڭ عيماراتىندا قارالادى.
ەسكە سالايىق، 5 ماۋسىم كۇنى تالدىقورعاندا كىسى قولىنان قازا تاپقان ءجاسوسپىرىم شەرزات پولاتتىڭ ءىسى بويىنشا سوت ۇكىمى شىققان بولاتىن. سوتتالعاندارعا 1 جىل 6 ايدان 23 جىلعا دەيىنگى باس بوستاندىعىنان ايىرىلدى.
