الماتى وبلىسىندا جوعالىپ كەتكەن اسكەري تىكۇشاقتى ىزدەستىرۋ بارىسىندا قۇتقارۋشىلار ونىڭ بولشەكتەرىنە ۇقساس ەلەمەنتتەردى تاپتى، دەپ حابارلايدى "ادىرنا" ۇلتتىق پورتالى توتەنشە جاعدايلار مينيسترلىگىنە سىلتەمە جاساپ.
عارىشتىق مونيتورينگ ناتيجەسىندە سوربۇلاق كولىنىڭ بەتىندە مايلى داق انىقتالىپ، سول اۋماققا دەرەۋ قۇتقارۋ توپتارى جىبەرىلگەن. ىزدەۋ كەزىندە تىكۇشاققا تيەسىلى بولۋى مۇمكىن بولشەكتەر تابىلعانى حابارلاندى.
قازىر وقيعا ورنىندا توتەنشە جاعدايلار مينيسترلىگىنىڭ 200-گە جۋىق قىزمەتكەرى، 40 تەحنيكا، 15 سۋ كولىگى، 4 كينولوگيالىق توپ جانە 2 تىكۇشاق جۇمىلدىرىلعان. ىزدەستىرۋ جۇمىستارى تاۋلىك بويى، تۇندە دە توقتاتىلماستان جالعاسىپ جاتىر.
جۇمىس بارىسىندا ەحولوت، درون جانە سۋاستى قۇرىلعىلارى قولدانىلۋدا.
وقيعانىڭ ناقتى ءمان-جايىن انىقتاۋ جۇمىستارى جۇرگىزىلۋدە.
ەسكە سالا كەتەيىك، 25 شىلدە كۇنى قازاقستان قورعانىس مينيسترلىگىنە قاراستى EC-145 ۇلگىسىندەگى اسكەري تىكۇشاق جوسپارلى وقۋ-جاتتىعۋ ۇشۋى كەزىندە راداردان جوعالىپ كەتكەن بولاتىن.
