قازاقستاننىڭ حالىق ءارتىسى ديماش قۇدايبەرگەن لاتىن امەريكادا ۇلكەن جەكە كونتسەرتىن وتكىزەدى، دەپ حابارلايدى "ادىرنا" ۇلتتىق پورتالى.
“Stranger” اتتى شوۋ-كونتسەرت 2025 جىلعى 8 قازاندا مەكسيكا استاناسى مەحيكودا وتەدى. شارا مەكسيكانىڭ ەڭ تانىمال جانە ماڭىزدى كونتسەرت زالدارىنىڭ ءبىرى — Auditorio Nacional-دا ۇيىمداستىرىلادى.
بۇل جاڭالىقتى ديماشتىڭ تىڭدارماندارى زور قۋانىشپەن قارسى الدى. الەۋمەتتىك جەلىلەردە ولار ءوز قۋانىشتارىمەن بولىسۋدە.
ەسكە سالا كەتەيىك، جاقىندا ديماش قىرعىزستانداعى IV “مەيكين ازيا” حالىقارالىق مۋزىكالىق فەستيۆالىنە قاتىستى. سول جەردە وعان “قىرعىزستاننىڭ حالىق ءارتىسى” اتاعى بەرىلدى.
ۇقساس جاڭالىقتار
