«اتامەكەن» ۇلتتىق كاسىپكەرلەر پالاتاسى شاعىن جانە ورتا بيزنەستى دامىتۋ كوميتەتىنىڭ كەزەكتەن تىس وتىرىسىن وتكىزدى. وندا سالالىق قاۋىمداستىقتاردىڭ وكىلدەرى مەن بەلسەندى كاسىپكەرلەر جاڭا سالىق كودەكسىن جانە بيزنەستىڭ كەلەسى قادامدارىن تالقىلادى.
«اتامەكەن» ۇكپ الاڭىندا شوب كوميتەتىنىڭ باسشىسى ساكەن قارين مەن «اتامەكەن» ۇكپ باسقارما توراعاسىنىڭ ورىنباسارى تيمۋر جاركەنوۆتىڭ توراعالىعىمەن شاعىن جانە ورتا بيزنەستى دامىتۋ كوميتەتىنىڭ كەزەكتەن تىس وتىرىسى ءوتتى. جيىنعا قاتىسۋشىلار قول قويىلعان جاڭا سالىق كودەكسى جانە فيسكالدىق ساياساتتاعى ەگجەي-تەگجەيلى وزگەرىستەردى ايقىندايتىن نورمالار جايىن تالقىلادى.
.jpg)
تيمۋر جاركەنوۆ ءوز سوزىندە پالاتا مەن بيزنەس-قاۋىمداستىقتار ەكى جىل بويى سالىق كودەكسىن ازىرلەۋگە بەلسەندى قاتىسىپ، مەملەكەتتىك جانە ساراپتامالىق الاڭداردا كاسىپكەرلەردىڭ مۇددەلەرىن قورعاعانىن ايتتى.
بىراق جۇمىس مۇنىمەن اياقتالمايدى, ويتكەنى كودەكسكە قول قويىلعاننان كەيىن ۇكىمەت 300-400-گە جۋىق نورماتيۆتىك قۇقىقتىق اكتىلەردى جانە تولىقتىراتىن زاڭعا تاۋەلدى اكتىلەردى ازىرلەۋمەن اينالىسادى. بۇدان باسقا، كولەڭكەلى ەكونوميكاعا قارسى كۇرەس شەڭبەرىندە قىركۇيەك ايىندا سالىقتىق اكىمشىلەندىرۋ ماسەلەلەرىن قامتيتىن كەزەكتى رەفورمالار پاكەتىن تالقىلاۋ جوسپارلانۋدا.
بەلگىلەنگەن تاۋەكەلدەردى ەسكەرە وتىرىپ، پالاتا ۇسىنىلعان تۇزەتۋلەرگە جاۋاپ رەتىندە بىرلەسكەن ارەكەت ەتۋ جانە دالەلدەۋ جوسپارىن ازىرلەۋدى ۇسىندى. سونداي-اق، سالالىق قاۋىمداستىقتار مەن بەلسەندى كاسىپكەرلەردىڭ بارىنشا كەڭ اۋقىمىن تارتا وتىرىپ، قامتۋدى كەڭەيتۋ قاجەتتىگى اتاپ ءوتىلدى.
شوب دامىتۋ كوميتەتىنىڭ مۇشەلەرى مەن وتىرىسقا قاتىسقان بيزنەس وكىلدەرى بىرقاتار باسىم مىندەتتەردى بەلگىلەدى:
- وڭايلاتىلعان دەكلاراتسيا جانە ءوزىن-ءوزى جۇمىسپەن قامتىعاندار ءۇشىن اسر بويىنشا رۇقسات بەرۋ ءتىزىمى نەگىزىندە اسر بويىنشا تىيىم سالۋ ءتىزىمىن قالىپتاستىرۋ كەزىندە وبەكتيۆتى ءتاسىلدى قامتاماسىز ەتۋ;
- وڭىرلەردە وڭايلاتىلعان دەكلاراتسيا نەگىزىندە اسر وڭتايلى مولشەرلەمەسىنە قول جەتكىزۋ بويىنشا جۇمىس جۇرگىزۋ;
- «e-Tamga» ەشف جازىلۋىن اۆتوماتتى باقىلاۋ جۇيەسىن ەنگىزۋ كەزىندە بيزنەس مۇددەلەرىنىڭ ەسەبىن باقىلاۋ (ققس مىندەتتى الدىن الا تولەۋ).
سپيكەرلەر اسر شەڭبەرىندە جۇمىس ىستەيتىن سۋبەكتىلەرمەن B2B-ءوزارا ءىس-قيمىل جاساۋ مۇمكىندىگىن ساقتاۋ جونىندەگى جۇمىستىڭ جالعاسىن ەرەكشە ماڭىزدى دەپ اتاپ ءوتتى.
.png)
باستامانى باسقا قاتىسۋشىلار دا قولدادى. ولاردىڭ ىشىندە ورتالىق ازيا فرانچايزينگ قاۋىمداستىعىنىڭ باسشىسى گۇلبانۋ مايگارينا, Uchet.kz نەگىزىن قالاۋشى ماكسيم بارىشەۆ, سالىق ساراپشىلارى دميتري كازانتسەۆ جانە جانار سۋيلەيمەنوۆا, Easy تap نەگىزىن قالاۋشى ماعزۇم تولەش تە بار. ولاردىڭ بارلىعى ناقتى مىسالدارمەن جانە ەسەپتەۋلەرمەن دالەلدەي وتىرىپ، قول جەتىمدى تىلدە العا جىلجۋعا قاتىسۋعا كەلىستى. تەك وسىلاي عانا بيزنەستىڭ ۇستانىمىن مەملەكەتتىك ورگاندارعا ءتيىمدى جەتكىزۋگە بولادى.
ءوزىن-ءوزى رەتتەيتىن قوعامدىق تاماقتاندىرۋ ۇيىمىنىڭ توراعاسى ۆەرونيكا داۋگاليەۆابىرلەسىپ ىلگەرىلەتۋ قاجەتتىگىن اتاپ ءوتتى. ول سونداي-اق، كوروناۆيرۋس پاندەمياسى كەزەڭىندە «ASHYQ» باعدارلاماسىن ينتەگراتسيالاۋ تاجىريبەسىن مىسالعا كەلتىردى. بۇل جۇيەنى اينالىمعا تەز ەنگىزۋگە جانە جالپى كارانتين جاعدايىندا شوب جۇمىسىن قالپىنا كەلتىرۋگە مۇمكىندىك بەرگەن كاسىپكەرلەردىڭ جاپپاي جانە بەلسەندى قاتىسۋى بولدى.
سالىق سالاسىنداعى تانىمال مامان دميتري كازانتسەۆ وڭىرلەردەگى كاسىپكەرلەرمەن جانە مەملەكەتتىك ورگانداردىڭ وكىلدەرىمەن الداعى كەزدەسۋلەردە ول بيزنەسكە بىرىگىپ، ءماسليحات دەپۋتاتتارىنا تىكەلەي جۇگىنۋدى ۇسىناتىنىن جەتكىزدى. ونىڭ ايتۋىنشا، وڭىرلەردەگى ءماسليحات دەپۋتاتتارىنىڭ كاسىپكەرلەردى تىڭداۋى جانە وڭىرلەردەگى وڭايلاتىلعان دەكلاراتسيا نەگىزىندە اقىلعا قونىمدى ستاۆكانى بەلگىلەۋ بويىنشا ولاردىڭ ۇسىنىستارىن جۇمىسقا قابىلداۋى ماڭىزدى.
.PNG)
سونىمەن قاتار، ساكەن قارين ۇكىمەتتەن تىيىم سالۋ ءتىزىمىنىڭ بەكىتىلۋىن كۇتپەي، جۇمىس توبىن قۇرۋدى جانە ەقتجك تىزبەسىن دەربەس بيزنەستىڭ شوعىرلاندىرىلعان ۇستانىمى نەگىزىندە ايقىنداۋدى ۇسىندى. بۇل ءتاسىل تەزىرەك ارەكەت ەتۋگە مۇمكىندىك بەرەدى. شوب كوميتەتىنىڭ توراعاسى ءاربىر ۇسىنىس ەكونوميكا مەن سالالار ءۇشىن ەقتجك ەسەپتەۋلەرىمەن، ناقتى كەيستەرىمەن جانە رولدەرىمەن نەگىزدەلۋگە ءتيىس ەكەنىن اتاپ ءوتتى.
وڭايلاتىلعان دەكلاراتسياعا نەگىزدەلگەن اسر ەندى شەكتەۋگە يە. جالپى رەجيمدەگى كومپانيالار اسر بويىنشا كونتراگەنتتەرمەن جۇمىس ىستەيتىن بولسا، بۇدان بىلاي ققس شەگەرىمىنە قابىلداي المايدى. باسقاشا ايتقاندا، ءىرى بيزنەس اسر پايدالاناتىن شوب-تىڭ كوپشىلىگىمەن ىنتىماقتاسا المايدى.
بۇل اسىرەسە تۋريزم سالاسىنا اسەر ەتەدى. استانا قالاسى وكپ تۋريزم جونىندەگى سالالىق كەڭەسىنىڭ توراعاسى تاتيانا ۆەرنيتسكايا اتاپ وتكەندەي، تۋروپەراتورلار باسقا كومپانيالارمەن، ال تۋريستەرمەن، ميكرو جانە شاعىن بيزنەستىڭ باسقا دا سۋبەكتىلەرىمەن جەكە جۇمىس ىستەيدى. ولاردىڭ قىزمەتى ادەتتە ماۋسىمدىق جانە تۇراقتى ەمەس.
شەگەرىمدەرگە تىيىم سالۋ تەك گيدتەرمەن عانا ەمەس، سونىمەن قاتار، تاۋارلار مەن قىزمەتتەردى جەتكىزۋشىلەرمەن دە جۇمىس ىستەۋدى ءىس جۇزىندە مۇمكىن ەمەس ەتەدى, ولاردىڭ كوپشىلىگى ءوزىن-ءوزى جۇمىسپەن قامتىعان جانە اسر شەڭبەرىندە جۇمىس ىستەيدى. ناتيجەسىندە مۇنداي قاتاڭ تالاپتار مەن كۇردەلى اكىمشىلەندىرۋ قازاقستاندىق ءتۋريزمدى بيزنەسمەندەر، تۋريستەر مەن ينۆەستورلار ءۇشىن تارتىمسىز ەتەدى.
قورىتىندىلاي كەلە، شوب كوميتەتىنىڭ توراعاسى ساكەن قارين مەن باسقارما توراعاسىنىڭ ورىنباسارى تيمۋر جاركەنوۆ الداعى جۇمىستىڭ نەعۇرلىم ەگجەي-تەگجەيلى ءتارتىبىنىڭ قاجەتتىگىن مالىمدەدى. وسىعان بايلانىستى وڭىرلىك پالاتالارمەن جانە كاسىپكەرلەرمەن بەلگىلەنگەن تاقىرىپتار بويىنشا كەلىسىلگەن تاسىلدەردى ازىرلەۋ، بيزنەستىڭ ۇستانىمىن جەدەل كورسەتۋ جانە زاڭعا تاۋەلدى اكتىلەر مەن ودان ءارى سالىق شەشىمدەرىن دايىنداۋ كەزىندە ونىڭ ەسەبىن قامتاماسىز ەتۋ ماقساتىندا تالقىلاۋ باستالادى.
