30 جاستاعى قازاقستاندىق الەكسەي سەرگەەۆ ۋكرايناداعى سوعىستا قازا تاپقان 270 قازاقستاندىقتىڭ قاتارىنان تابىلدى، دەپ حابارلايدى "ادىرنا" ۇلتتىق پورتالى Ulysmedia.kz-كە سىلتەپ.
Uralsknews.kz دەرەگىنشە، ەر ادامنىڭ جۇبايى نادەجدا كۇيەۋىمەن سوڭعى رەت ناۋرىز ايىندا سويلەسكەنىن ايتادى. سول ۋاقىتتان بەرى ول بايلانىسقا شىقپاعان.
«مەن ونىڭ ول جاقتا ەكەنىن مۇلدە بىلمەدىم. ول جىل باسىندا استاناعا جۇمىس ىزدەپ كەتكەن، ال ناۋرىزدا بايلانىس ءۇزىلدى. مەن ونى بۇكىل قازاقستان بويىنشا ىزدەدىم. ونىڭ شەتەلگە شىعۋىنا تىيىم سالىنعان بولاتىن. ول قالايشا رەسەيگە، كەيىن ۋكرايناعا تاپ بولدى؟ مەن سوتقا باردىم. استانا ارقىلى ونى ىزدەۋگە بەردىك. ەندى ونىڭ قايدا ەكەنىن، قاي جەردە جەرلەنگەنىن بىلگىم كەلەدى. ءولىم تۋرالى كۋالىك الۋىم كەرەك. قالاي ءومىر سۇرەمىن، بالانى جالعىز قالاي وسىرەمىن؟»، — دەيدى ايەل.
ايەلدىڭ سوزىنشە، كۇيەۋىن بەلگىسىز ادامدار ۇرلاپ، سوعىسقا جىبەرگەن بولۋى مۇمكىن.
