الماتىنىڭ مەدەۋ اۋدانىنداعى «گەولوگ» باعباندىق سەرىكتەستىگىنىڭ اۋماعىندا ءىرى ءورت شىقتى، دەپ حابارلايدى "ادىرنا" ۇلتتىق پورتالى قازاقپاراتقا سىلتەپ.
بۇل تۋرالى قالالىق توتەنشە جاعدايلار دەپارتامەنتى حابارلادى.
ۆەدومستۆو مالىمەتىنشە، وقيعا ورنىنا جەتكەن ءورت سوندىرۋشىلەر ەكى عيماراتتىڭ، ءۇش جەڭىل اۆتوكولىكتىڭ جانە قۇرىلىس قالدىقتارىنىڭ جانىپ جاتقانىن انىقتاعان. قىزمەتكەرلەر دەرەۋ ءورت ءسوندىرۋ ستانوكتارىن ىسكە قوسىپ، قىزىل جالىندى اۋىزدىقتاۋعا كىرىسكەن.
ء«ورتتىڭ ءارى قاراي تارالۋىنا جول بەرمەۋ ءۇشىن بارلىق قاجەتتى شارالار قابىلداندى. سۋ ۇزدىكسىز جەتكىزىلىپ، قىزمەتتەردىڭ ءوزارا ارەكەتتەستىگى ۇيىمداستىرىلدى»، – دەلىنگەن رەسمي حابارلامادا.
تجم كۇشتەرى ءورتتى وقشاۋلاپ ۇلگەردى. قازىرگى ۋاقىتتا ونى تولىق ءسوندىرۋ جۇمىستارى ءجۇرىپ جاتىر.
وقيعا كەزىندە 1949 جىلى تۋعان ەر ادام مەديتسينالىق كومەككە جۇگىندى. جەدەل جاردەم بريگاداسى العاشقى كومەكتەن كەيىن ونى №4 قالالىق كلينيكالىق اۋرۋحاناعا جەتكىزدى.
