6 جەلتوقساندا Shymbulak تاۋ كۋرورتى قىسقى ماۋسىمدى رەسمي تۇردە اشىپ، مىڭداعان قوناقتى قابىلدادى. كۇنى بويى كۋرورتتىڭ بەس ءتۇرلى الاڭىندا كونتسەرتتەر، سىرعاناۋ جولدارىندا سپورتتىق جانە مەرەكەلىك شارالار ءوتتى.
تاڭەرتەڭ بازالىق ستانتسيادا قوناقتار ءۇشىن DJ-لەر، Stradivari كۆارتەتى، بي ۇجىمدارى ونەر كورسەتىپ، بۇكىل وتباسى مۇشەسىنە ارنالعان ينتەراكتيۆتى باعدارلامالار ۇيىمداستىرىلدى. كۇندىزگى باعدارلامانىڭ حەدلاينەرى — قازاقستاندىق يندي-مۋزىكانت Dudeontheguitar. ول جاڭا البومىنان كومپوزيتسيالار مەن تانىمال اندەرىن ورىندادى.
باسقا لوكاتسيالار دا مەرەكەلىك كوڭىل كۇيگە بولەندى:
– مەدەۋدەگى الاڭدا Red Bull ۇسىنعان DJ-سەتتەر وينادى;
– تالعار اسۋىندا مۋزىكالىق جانە ويىن-ساۋىق باعدارلامالار ءوتتى;
– مۇز ايدىنىندا جاپپاي سىرعاناۋ مەن مانەرلەپ سىرعاناۋشىلاردىڭ ارنايى قويىلىمى ۇيىمداستىرىلدى;
– ورتا ستانتسيادا العاشقى Shymba Après Ski ءوتتى.
بيىل Shymbulak شاڭعى تەبۋدەن كەيىنگى ەركىن اڭگىمەلەسۋ مەن دەمالىس فورماتىنداعى كۇندىزگى après-ski ءداستۇرىن باستادى. Shymba Après Ski شاراسىن Elevation جانە Vihod پرومو-كوماندالارى بىرلەسىپ وتكىزدى. قوناقتار قالا پانوراماسىن، زاماناۋي مۋزىكانى جانە اشىق تاۋ-شاڭعى قاۋىمداستىعىنىڭ اتموسفەراسىن تاماشالادى. ەندى Shymba Après Ski ءار سەنبى سايىن Le Mont الاڭىندا وتەدى.
قازىر Shymbulak كۋرورتىندا «تالعار»، «جاسىل قايىڭ»، «اق ايۋ» جانە «اق بارىس» سىرعاناۋ جولدارى اشىق. اياز تۇراقتانعان سوڭ قوسىمشا جولدار دا ىسكە قوسىلادى. سونداي-اق تالعار اسۋىنداعى تۇنگى سىرعاناۋ ماۋسىمى باستالدى.
ء«ار ماۋسىمدى ءبىز كۋرورتىمىزدى قاۋىپسىز سىرعاناۋعا جانە دەمالۋعا مۇقيات دايىنداۋدان باستايمىز. تەحنيكالىق ماماندار ارقانجولدارعا تولىق دياگنوستيكا جۇرگىزىپ، جابدىقتىڭ ءبىرازىن جاڭارتتى. بيىل قوناقتار جالعا الۋ ايماقتارىنىڭ كەڭەيگەنىن جانە قىزمەت كورسەتۋ ماماندارىنىڭ جۇمىسى جاقسارعانىن بىردەن بايقادى. ءبىزدىڭ ماماندار بەتكەيلەردى سىرعاناۋعا ازىرلەۋدى جالعاستىرىپ جاتىر، ال تۇراقتى اياز ورناعان سوڭ تاعى دا بىرنەشە جول اشىلادى. قوناقتارىمىزدىڭ وزدەرىن بەتكەيلەردە سەنىمدى ءارى قاۋىپسىز سەزىنۋى ءبىز ءۇشىن وتە ماڭىزدى»، — دەدى Chimbulak Development كومپانياسىنىڭ باسقارۋشى ديرەكتورى نۇرلان سەيتقازين.
Shymbulak كۋرورتى ماۋسىمنىڭ اشىلۋ كۇنىندەگى جىلى اتموسفەرا ءۇشىن بارلىق قوناقتارعا العىس ايتادى. الدا قوناقتاردى بەس ايلىق سىرعاناۋ، جارقىن وقيعالار مەن ۇمىتىلماس اسەرلەر كۇتىپ تۇر.
