قازاقستاننىڭ باس پروكۋراتۋراسى (بپ) ماڭىزدى مالىمدەمە جاسادى. قۇزىرلى ورگان دابىل قاعىپ، الاياقتار تاكتيكاسىن وزگەرتىپ جاتقانىن ەسكەرتەدى. بۇل تۋرالى باس پروكۋراتۋرانىڭ Telegram ارناسىندا جازىلدى، دەپ حابارلايدى "ادىرنا".
"قازاقستان رەسپۋبليكاسى باس پروكۋراتۋراسى قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىنىڭ (بۇدان ء ارى كوميتەت) قىلمىستىق قاۋىپ-قاتەردىڭ جانە قوعامدىق قاۋىپسىزدىكتىڭ تاۋەكەلدەرىن بولجاۋ ورتالىعى ينتەرنەت-الاياقتىقتىڭ جاڭا ءتۇرى تۋرالى ەسكەرتەدى", دەلىنگەن حابارلامادا.
شەتەلدىك دەرەككوزدەردىڭ مالىمەتتەرى بويىنشا، الاياقتار جاڭا شابۋىل تولقىنىن ىسكە قوسىپ، جەتكىزۋ قىزمەتتەرى، باسقارۋشى كومپانيالار جانە بانكتەر اتىنان حاتتار مەن SMS-حابارلامالار جىبەرۋدە. "اۆتوريزاتسياداعى قاتە", "دوموفوندى اۋىستىرۋ" نەمەسە "ەسەپتەگىشتەردى تەكسەرۋ" دەگەن سىلتاۋمەن قاسكۇنەمدەر ازاماتتاردى ولاردىڭ وزدەرىن قايتا قوڭىراۋ شالۋعا ماجبۇرلەيدى.
ناتيجەسىندە، ەشتەڭەدەن كۇدىكتەنبەيتىن تۇرعىندار كيبەرالاياقتارعا الەۋمەتتىك ينجەنەريا قۇرالدارىن قولدانۋعا جاعداي جاسايدى.
بۇل رەتتە مىنالار ۇسىنىلادى:
- ساقتىق تانىتىپ، بەيمالىم كىرىس حات-حابارلار مەن قوڭىراۋلارعا سىني كوزقاراسپەن قاراۋ;
- ۇيىمداردىڭ رەسمي سايتتارىندا كورسەتىلگەن تەلەفون نومىرلەرىنە عانا قايتا قوڭىراۋ شالۋ;
- ەكى فاكتورلى اۋتەنتيفيكاتسيانى پايدالانۋ;
- بانك كارتالارىنىڭ دەرەكتەرىن، SMS ارقىلى كەلەتىن ءبىر رەتتىك كودتاردى جانە وزگە دە قۇپيا اقپاراتتى ءۇشىنشى تۇلعالارعا بەرمەۋ
