قوستاناي وبلىسى ليساكوۆ قالاسىنىڭ تۇرعىنى 13 جاستاعى قىزدى زورلاعانى ءۇشىن كىنالى دەپ تانىلىپ، ءومىر بويىنا باس بوستاندىعىنان ايىرىلدى، دەپ حابارلايدى “ادىرنا” پورتالى Tobol.info-عا سىلتەمە جاساپ.
«رەزونانستى قىلمىس تۋرالى 2025 جىلدىڭ ناۋرىزىندا بەلگىلى بولدى. سوت ليساكوۆ تۇرعىنىن قر قك-ءنىڭ 121-بابى 4-بولىگى – “سەكسۋالدىق سيپاتتاعى كۇش قولدانۋ ارەكەتتەرى” بويىنشا 13 جاستاعى قىزعا قاتىستى جاساعان قىلمىسى ءۇشىن ءومىر بويىنا باس بوستاندىعىنان ايىرۋعا ۇكىم ەتتى»، – دەلىنگەن حابارلامادا.
ۇكىم قوستاناي وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا شىقتى. پروتسەسس جابىق تۇردە ءوتتى.
«نەمولچي» قورىنىڭ اقپاراتىمەن قاتار، ينتەرنەتتەگى بىرقاتار حابارلامالاردا سوتتالعان ادامنىڭ كاسىپكەر جانە جەرگىلىكتى ءماسليحاتتىڭ بۇرىنعى دەپۋتاتى بولۋى مۇمكىن ەكەنى دە ايتىلعان.
