مەملەكەت باسشىسى قاسىم-جومارت توقاەۆ بۇگىن، 22 جەلتوقساندا سانكت-پەتەربرۋگتە رەسەي پرەزيدەنتى ۆلاديمير پۋتينمەن كەزدەستى. بۇل تۋرالى اقوردا جازدى، دەپ حابارلايدى "ادىرنا".
"جاڭا جىل قارساڭىندا داستۇرگە اينالعان پەتەربۋرگتەگى كەزدەسۋىمىز مازمۇندى ءوتتى. ءبىز ەاەو قىزمەتىنە قاتىستى بىرقاتار ماسەلەنى قاراستىرىپ، شەشىمدەر قابىلدادىق. تمد فورماتى اياسىنداعى ىقپالداستىقتىڭ اسا ماڭىزدى، وزەكتى ماسەلەلەرى تالقىلاندى. تمد – بەدەلدى ءارى زامان تالابىنا ساي حالىقارالىق ۇيىم. بيىل ءوزارا ىنتىماقتاستىعىمىز تابىستى بولعانى ءسوزسىز. ەكىجاقتى قارىم-قاتىناس قارقىندى دامىپ كەلەدى. 12 قاراشادا رەسەيگە جاساعان مەملەكەتتىك ساپارىم وتە ناتيجەلى ءوتتى. سول ساپار بارىسىندا قوناقجايلىق تانىتقانىڭىز ءۇشىن سىزگە ريزاشىلىعىمدى بىلدىرەمىن", - دەدى قاسىم-جومارت توقاەۆ
پرەزيدەنت قازاقستان رەسەيمەن ستراتەگيالىق سەرىكتەستىك جانە وداقتاستىق بايلانىستارعا ەرەكشە ءمان بەرەتىنىن دە باسا اتاپ ءوتتى.
ء"بىز قازاقستان مەن رەسەي ازاماتتارىنىڭ كۇندەلىكتى تۇرمىس-تىرشىلىگىنە قاتىستى ماسەلەلەردە بىرگە ارەكەت ەتۋىمىز قاجەت. ىنتىماقتاستىعىمىز بەن ستراتەگيالىق سەرىكتەستىگىمىزدى نىعايتۋعا باعىتتالعان ورتاق جۇمىسىمىز قوس حالىقتىڭ تۇپكى مۇددەسىنە ساي كەلەدى", – دەدى مەملەكەت باسشىسى.
ءوز كەزەگىندە ۆلاديمير پۋتين كەشەدەن بەرى ءبىراز جۇمىس اتقارعاندارىن باسا اتاپ ءوتتى.
