تۇركىستان وبلىسىندا 23 جاستاعى ايەل جۇكتىلىگىنىڭ سوڭعى كەزەڭىندە الەۋمەتتىك جەلى ارقىلى بولاشاق ءسابيىن ساتىپ الاتىن ادامداردى ىزدەگەن. جەدەل-ىزدەستىرۋ شارالارى بارىسىندا پوليتسيا قىزمەتكەرلەرى ونىڭ بۇل زاڭسىز ارەكەتىن دەر كەزىندە اشكەرەلەپ، قىلمىستىق جوسپارىن تولىق قۇجاتتاپ، كۇدىكتىنى ۇستادى، دەپ حابارلايدى "ادىرنا".
ءىىم مالىمەتىنشە، ايەل بوسانعاننان كەيىن نەبارى ءۇش كۇندىك نارەستەنى اقشاعا بەرمەك بولعان ساتىندە قولعا ءتۇستى. پوليتسيانىڭ جەدەل ءارى كاسىبي ءىس-قيمىلىنىڭ ارقاسىندا سابيگە ءتونۋى مۇمكىن اۋىر جانە قايتىمسىز قاۋىپتىڭ الدىن الۋ مۇمكىن بولدى.
اتالعان دەرەك بويىنشا قىلمىستىق ءىس قوزعالىپ، كۇدىكتى ۋاقىتشا ۇستاۋ يزولياتورىنا قامالدى.
«قازىرگى تاڭدا جاڭا تۋعان قىز بالا دارىگەرلەردىڭ باقىلاۋىندا. ونىڭ ءومىرى مەن دەنساۋلىعىنا ەشقانداي قاۋىپ ءتونىپ تۇرعان جوق. تەرگەۋ جۇمىستارى جالعاسىپ جاتىر. وقيعانىڭ بارلىق ءمان-جايى جان-جاقتى تەكسەرىلىپ، زاڭ اياسىندا ءتيىستى قۇقىقتىق باعا بەرىلەدى.
پوليتسيا ادام ساۋداسىنىڭ كەز كەلگەن ءتۇرى، اسىرەسە بالالارعا قاتىستى قىلمىس قاتاڭ تۇردە توقتاتىلاتىنىن ەرەكشە اتاپ ءوتتى»، – دەلىنگەن حابارلامادا.
ء"بىر قولىندا رۋل، ءبىر قولىندا ءسابي": 5 ايلىق نارەستەسىمەن تاكسي جۇرگىزگەن جالعىزباستى انا (ۆيدەو)
