توقاەۆ مانتىراعان ءمينيستردى ورنىنان الىپتى...
يلين دەيتىن ماڭعاز ءمينيستردىڭ ەنجارلىعى مەن بەيقامدىعىنان اباي وبلىسى وتقا وراندى. الاپات ءورتتى اۋىزدىقتاۋ مۇمكىن بولماي تۇر. قۇربان بولعاندار بار.
توتەنشە جاعداي سالاسى توتەنشە جاعدايعا دايىن ەمەس. سالاداعى تامىرىن تەرەڭگە جىبەرگەن پروبلەمالار وسىندايدا ايقىن كورىنەدى.
ەكىباستۇزداعى كاتاستروفانى ۇمىتا قويعان جوقپىز. قاڭتاردىڭ قىزىل شۇناق ايازىندا جىلۋسىز قالعان حالىقتىڭ مەملەكەتكە دەگەن وكپەسى قارا قازانداي. ول تۇستا تا توتەنمين قاۋقارسىزدىق تانىتتى.
ءيليننىڭ بىلىق-شىلىعى ءالى دە ايتىلا جاتار. مينيسترلىككە اۋديت جۇرگىزىلەدى اڭگىمەنى قۇلاعىمىز شالدى. ونى الىسقا ۇزاتپاۋ كەرەك...
توقاەۆتىڭ ۆيەتنام ساپارى كەيىنگە شەگەرىلسە، بۇل شاراسىزدىقتان قابىلداعان شەشىم بولعانى انىق. اباي وبلىسىنداعى احۋالدىڭ باقىلاۋدان شىعىپ كەتكەنىن كورىپ وتىرمىز. توتەنشە جاعداي سالاسىنا تولىق رەكونسترۋكتسيا كەرەك.
وسى سالاداعى مامانداردىڭ جالاقىسىن كوتەرۋ، قاجەتتى قۇرال-جابدىقپەن جارىلقاۋ، چپ ورىن العان جەرگە دەرەۋ جەتەتىن تەحنيكامىنەن قامتۋ كەزەك كۇتتىرمەيتىن ماسەلە.
...
توقاەۆقا كادرلىق سۇرىپتاۋ جۇمىسىن جۇرگىزۋ قاجەت-اق. نازارباەۆتان "مۇراعا قالعان" مينيسترلەر جاڭا قازاقستاندى ۇشپاققا شىعارمايدى. اينالىپ كەپ، جاماناتتى بولاتىن دا پرەزيدەنتتىڭ ءوزى...
ۇقساس جاڭالىقتار
