ءنۇردىلدا وراز باتىس قازاقستان وبلىسى اكىمىنىڭ اپپاراتىنا جاڭا قىزمەتكە كەلدى، - دەپ حابارلايدى "ادىرنا" ءتىلشىسى وبلىس اكىمىنىڭ ءباسپاسوز قىزمەتىنە سىلتەمە جاساپ.
«قازاقستان رەسپۋبليكاسى پرەزيدەنتى اكىمشىلىگىنىڭ كەلىسىمى بويىنشا وراز ءنۇردىلدا سەرىكۇلى باتىس قازاقستان وبلىسى اكىمى اپپاراتىنىڭ باسشىسى بولىپ تاعايىندالدى»، - دەپ حابارلادى وبلىس اكىمىنىڭ ءباسپاسوز قىزمەتى.
وسى تاعايىنداۋعا دەيىن ول باتىس قازاقستان وبلىسىنىڭ قوعامدىق دامۋ باسقارماسىنىڭ باسشىسى قىزمەتىن اتقارعان.
ءنۇردىلدا وراز 1981 جىلى دۇنيەگە كەلگەن. ءال-فارابي اتىنداعى قازاق ۇلتتىق ۋنيۆەرسيتەتىن «جۋرناليستيكا» ماماندىعى بويىنشا جانە ءىىم بەيسەنوۆا اتىنداعى قاراعاندى اكادەمياسىن «قۇقىق قورعاۋ قىزمەتى» ماماندىعى بويىنشا بىتىرگەن.
وراز ءار جىلدارى تەلەديداردا جۇمىس ىستەدى، «31 ارنادا» «ينفورمبيۋرو» اقپاراتتىق باعدارلاماسىنىڭ قازاقشا رەداكتسياسىنىڭ ءتىلشى - جۇرگىزۋشى بولدى.
2009 جىلى ىشكى ىستەر ورگاندارىنا اۋىسىپ، استانا قالاسى ىشكى ىستەر دەپارتامەنتى، قر ءتىل ساياساتى جانە اقپارات باسقارماسىنىڭ باستىعى، ىشكى ىستەر مينيسترلىگى مەملەكەتتىك ءتىل جانە اقپارات دەپارتامەنتىنىڭ ديرەكتورى قىزمەتتەرىن اتقاردى.
ءنۇردىلدا وراز ءمينيستردىڭ ءباسپاسوز حاتشىسى، كەيىن ىشكى ىستەر مينيسترلىگىنىڭ رەسمي وكىلى قىزمەتىن دە اتقارعان. 2016 جىلى قر باس پروكۋراتۋراسى اپپاراتى باسشىسىنىڭ ورىنباسارى بولىپ جۇمىس ىستەدى.
2019-2022 جىلدار ارالىعىندا ىشكى ىستەر ءمينيسترىنىڭ كەڭەسشىسى بولدى.
"ادىرنا" ۇلتتىق پورتالى
ۇقساس جاڭالىقتار
