قازاقستاندىق سپورتشى 2023 جىلعى جازعى ۋنيۆەرسيادا ويىندارىنىڭ العاشقى مەدالىن جەڭىپ الدى، دەپ حابارلايدى “ادىرنا” Sports.kz-كە سىلتەپ.
ەل قورجىنىنا العاشقى مەدالدى سۇڭعات جۇباتقان سالدى. دزيۋدوشى ستۋدەنتتىك سپارتاكيادانىڭ قولا جۇلدەگەرى اتاندى. 66 كەلىگە دەيىنگى سالماقتا ءۇشىنشى ورىن ءۇشىن بەلدەسۋدە ءوز شەبەرلىگىمەن وزبەكستان وكىلى ابدۋراحيم نۋتفۋللوەۆتى جەڭدى.
الايدا، ۆەنگريا، تۇركىمەنستان جانە ءازىربايجان ەلدەرىنەن كەلگەن قارسىلاستارىن
جەڭگەن دزيۋدوشى جۇباتقان جارتىلاي فينالدا جاپوندىقتارعا ەسە جىبەرىپ العان بولاتىن.
اقتاۋلىق سپورتشى دزيۋدومەن 10 جىلدان استام ۋاقىت بويى اينالىسىپ كەلەدى.
31-ءشى دۇنيەجۇزىلىك جازعى ۋنيۆەرسيادا 28 شىلدە مەن 8 تامىز ارالىعىندا قىتايدىڭ چەندۋ قالاسىندا وتۋدە. قازاقستاننان 90 سپورتشى اتتاندى. ولار ون سپورت تۇرىنەن باق سىنايدى.
باسقا ماتەريالدار
Adyrna.kz ۇلتتىق پورتالىنىڭ ماڭىزدى اقپاراتتارىنا جازىلۋ
سوڭعى جاڭالىقتار تۋرالى حاباردار بولىڭىز