مادەنيەت سالاسى قىزمەتكەرلەرىنىڭ جالاقىسى ارتادى

2528
Adyrna.kz Telegram
https://adyrna.kz/content/uploads/2023/08/8c8b5380-8733-42db-954c-96dd4f73cb3a.jpeg
الماتىدا مادەنيەت سالاسى قىزمەتكەرلەرىنىڭ جالاقىسى 30 پايىزعا ارتادى، دەپ حابارلايدى “ادىرنا”. الماتى قالاسىنىڭ اكىمى ەربولات دوساەۆتىڭ ۇسىنىسىمەن، قالالىق ءماسليحات دەپۋتاتتارىنىڭ ماقۇلداۋىمەن الماتى قالاسى مادەنيەت باسقارماسىنىڭ ۇيىمدارى مەن كاسىپورىندارى قىزمەتكەرلەرىنىڭ جالاقىسىن 30%-عا ۇلعايتۋ تۋرالى شەشىم قابىلدانعان. سونىڭ ىشىندە حايۋاناتتار باعى، تسيرك، قۋىرشاق تەاترى، «الاتاۋ» ءداستۇرلى ونەر تەاترى، مەملەكەتتىك مۇراعات، كىتاپحانا، مۋزەيلەر بىرلەستىگى، «الماتى اۋەندەرى» مەكەمەلەرىندەگى بارلىعى ەكى مىڭ قىزمەتكەردىڭ جالاقىسى كوتەرىلەدى. بۇل تۋرالى الماتى قالاسى مادەنيەت باسقارماسىنىڭ باسشىسى عاني مايلىباەۆ حابارلادى. جالاقىعا بايلانىستى جاس ماماندار جۇمىستان ءجيى كەتەتىنىن ايتقان باسشى وز كەزەگىندە جاس بىلىكتى كادرلاردى تاربيەلەۋدى قيىنداتاتىنىن دا اتاپ ءوتتى. سول سەبەپتى دە الماتى ءماسليحاتىنىڭ قاراۋىنا قالالىق مادەنيەت باسقارماسىنىڭ ۇيىمدارى، كاسىپورىندارى قىزمەتكەرلەرىنىڭ لاۋازىمدىق جالاقىلارىنا ىنتالاندىرۋشى ۇستەمەاقىلار بەلگىلەۋ ماسەلەسى ۇسىنىلعان.
پىكىرلەر