رەسەي پرەزيدەنتى ۆلاديمير پۋتين «ۆاگنەر» جالدامالى اسكەر توبىنىڭ بۇرىنعى شتاب باستىعى، وتستاۆكاداعى پولكوۆنيك اندرەي تروشەۆپەن كەزدەستى. بۇل تۋرالى كرەملدىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
مەملەكەت باسشىسى تروشەۆكە ارنايى تاپسىرما بەردى.
«جاۋىنگەرلىك جۇمىس جاقسى ءارى ءساتتى ءوتۋى ءۇشىن الدىن الا قانداي ماسەلەلەردى شەشۋ كەرەگىن بىلەسىز. سول سەبەپتى ارنايى وپەراتسيا كەزىندە ەرىكتى جاۋىنگەرلەردى ءوز باقىلاۋىڭىزعا الىڭىز»،—دەدى ول.سونداي-اق پرەزيدەنت بارلىق جاۋىنگەرگە الەۋمەتتىك كەپىلدىكتەر بەرۋ قاجەتتىگىن اتاپ ءوتتى. ايتا كەتەيىك، اندرەي تروشەۆ – «ۆاگنەر» جەكە اسكەري كومپانياسىنىڭ باسشىسى بولعان ەۆگەني پريگوجيننىڭ بۇرىنعى كومەكشىسى.
ۇقساس جاڭالىقتار
